Daniel 2:23 - MUMA MALER 2015

²³ In Nyasach kwerena, apaki kendo amiyio duong’. Isemiya rieko gi teko, kendo idwoko kwayona, ka inyisowa gima onego wawachi ni ruoth.”

Motingʼo Loko Manyien

²³ Agoyoni erokamano, kendo apaki, yaye Nyasach kwerena: Isemiya rieko gi teko, isemiyo angʼeyo gima ne wakwayi, isemiyo wangʼeyo tiend lek mar ruoth.

Daniel 2:23 ပူးပေါင်းရင်းမြစ်များ

Chakruok 18:17

Ruoth Nyasaye nowacho e chunye niya, “Bende dapand Ibrahim gima adwaro timo?

Chakruok 31:42

Ka dine Nyasach Ibrahim kwara mane Isaka bende lamo, ok ni koda, to dine iseriemba gi lweta nono. To Nyasaye noneno kaka natiyo matek, kendo kaka nachandora, omiyo nyoro okweri gotieno ni kik itimna gimoro marach.”

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

1 Ruodhi 8:57

Ruoth Nyasaye ma Nyasachwa obed kodwa, kaka nobet gi kwerewa. Kik owewa kata kik ojwang’wa,

1 Weche mag Ndalo 29:10

Daudi bende ne mor, kendo nopako Ruoth Nyasaye e nyim ogandano, kowacho niya, “A Ruoth Nyasaye ma Nyasach Israel, nyingi mondo obed gi duong’ ndalo duto nyaka chieng’.

1 Weche mag Ndalo 29:13

Koro wagoyoni erokamano Nyasachwa, kendo wapako nyingi maler.

2 Weche mag Ndalo 20:6

mokwayo niya, “A Ruoth Nyasaye ma Nyasach kwerewa, donge in e Nyasaye manie polo? Donge in e ruodh ogendini duto? Nyalo gi teko duto nie lueti maonge ng’ato manyalo siri.

Zaburi 21:2

Isemiye gima ne chunye dwaro, kendo isedwoko kwayone.

Zaburi 21:4

Ne okwayo mondo imiye ngima, mi nimiye. Ee, noyudo ngima malach kendo mosiko.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Ngeche 21:22

Jatend lweny man gi rieko nyalo kawo dala ma jolweny mager orito, mi oketh ohinga mane jolwenygo paro ni ogeng’ogi.

Ngeche 24:5

Bedo mariek ber moloyo bedo ratego, Adier, rieko nigi tich moloyo teko.

Ngeche 8:14

Achano gik moko, kendo atimogi. Bende an gi rieko, kendo ategno.

Eklesiastes 7:19

Gima rieko timo ni ng’ato duong’ moloyo gima ruodhi apar nyalo timo ni dala ma gidakie.

Eklesiastes 9:16

Kane oneno kamano, ne owacho ni, rieko ber moloyo teko, to kata kamano onge ng’ama paro ni ng’at modhier bende nyalo bedo mariek, kata mayie winjo gik mowacho.

Eklesiastes 9:18

Rieko ber moloyo gik lweny, to jaricho achiel nyalo ketho gik mabeyo mang’eny.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Daniel 2:18

Ne owachonigi ni mondo gilam Nyasach Polo mondo okechgi, kendo onyisgi tiend midhierono, mondo kik neggi kaachiel gi jong’ad rieko mamoko e Babulon.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Luka 10:21

E sa nogo, Roho Maler nomiyo Yesu odoko mamor ahinya, mi owacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyisogi mana ji ajia. Adier Wuora, osetimore kamano, nikech mano e kaka ne long’oni.

Johana 11:41

Kuom mano ne ging’ielo kidi oko. Yesu nong’iyo malo, mowacho niya, “Wuora, agoyoni erokamano nikech isewinja.

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Fweny 1:1

Ma e fweny mane Nyasaye omiyo Yesu Kristo mondo onyisgo jotichne gik ma nyaka timre piyo. To Kristo nooro malaikane ir Johana jatichne mondo odhi onyise wach fwenyno,

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”