Daniel 2:20 - MUMA MALER 2015

²⁰ “Nying Nyasaye opaki nyaka chieng’, nikech rieko duto kod teko gin mage.

Motingʼo Loko Manyien

²⁰ kowacho niya: Nying Nyasaye mondo opaki mochwere manyaka chiengʼ; nikech rieko kod teko gin mage.

Daniel 2:20 ပူးပေါင်းရင်းမြစ်များ

Chakruok 14:20

Wapako Nyasaye maduong’ moloyo, mosechiwo wasiki e lweti.” Eka Abram nomiyo Melkizedek achiel kuom apar mag gik moko duto ma noyako.

1 Ruodhi 8:56

“Apako Ruoth Nyasaye, mosemiyo joge Israel kue, kochopo gik moko duto mane osingore. Onge kata wach achiel moserem kuom singruokne duto mabeyo mane omiyo Musa jatichne owacho.

1 Weche mag Ndalo 29:20

Eka Daudi nowacho ni ji duto niya, “Denduru Ruoth Nyasaye ma Nyasachu!” Mi oganda duto nopako Ruoth Nyasaye ma Nyasach kweregi, ka gigoyo chonggi piny, mi gikulore nyaka e lowo e nyim Ruoth Nyasaye, kendo e nyim Ruoth.

2 Weche mag Ndalo 20:21

Kane oseporo wach gi joge, noyiero joma onego tel nyim jolweny korwako lep lemo, mondo opak Ruoth Nyasaye, ka wer kama: “Gouru erokamano ni Ruoth Nyasaye, nimar herane mosiko ochwere.”

Nehemia 9:5

Eka jo-Lawi ma Jeshua gi Kadmiel gi Bani gi Hashabnia gi Sherebia gi Hodia gi Shebani kod Petyhahia, nowacho niya: Chung’uru kendo upak Ruoth Nyasaye ma Nyasachu, kuwachone ni, “Higni gi higni ipako nyingi moluor, mokadho dend kod pak.”

Ayub 12:13

Jodongo nigi paro matut, Nyasaye to nigi paro matut, kaachiel gi teko monyalo timogo gimoro amora.

Zaburi 113:1

Pakuru Ruoth Nyasaye! Ee, denduru nyinge, un jotichne.

Zaburi 113:2

Pakuru nyinge pile, kendo nyaka chieng’.

Zaburi 115:18

To wan, joma ngima, wabiro goyone erokamano pile kendo nyaka chieng’. A yaye, pakuru Ruoth Nyasaye.

Zaburi 147:5

Ruoth Nyasaye duong’ miwuoro, bende riekone lach mokadho apima.

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 50:23

Ng’at ma goyo erokamano, ema timona misango ma miya duong’, kendo ng’at ma oluora, ema anawar.”

Zaburi 62:11

Pile asewinjo ka Nyasaye wacho ni teko duto gin mage,

Ngeche 8:14

Achano gik moko, kendo atimogi. Bende an gi rieko, kendo ategno.

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Ezekiel 28:3

Koso iparo ni iriek moloyo Daniel, ma onge gima dotami ng’eyo?

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.

Fweny 5:12

Ne giwer matek niya, “Nyarombo mane onegi owinjore yud teko gi mwandu gi rieko gi loch kod luor gi duong’ kod pak!”