Daniel 12:13 - MUMA MALER 2015

¹³ “In Daniel, sik kuom Nyasaye nyaka giko. Eka initho, to achien inichier mi iyud pokni chieng’ giko piny.”

Motingʼo Loko Manyien

¹³ “To in Daniel, sik kuom Nyasaye nyaka ndalo giko. Bangʼe initho, to achien inichier miyud pokni chiengʼ giko piny.”

Daniel 12:13 ပူးပေါင်းရင်းမြစ်များ

Zaburi 1:5

Kuom mano bura nolo joricho, kendo ok ginibed e kanyakla mar joma kare.

Zaburi 16:5

A Ruoth Nyasaye, in kendi ema an kodi, kendo imiya gik moko duto ma adwaro. Ngimana duto nie lweti.

Zaburi 16:9

Kuom mano chunya opong’ gi mor kod ilo, kendo ringra bende nigi kue,

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Daniel 12:3

To joma riek norieny ka ler mar polo, kendo jogo mane opuonjo ji mang’eny mondo otim gik makare norieny ka sulue nyaka chieng’.

Daniel 12:4

“To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.

Mathayo 19:28

Yesu nokonigi niya, “Adier awachonu un museluwa ni, chieng’ chuech manyien, ka Wuod Dhano obet e kom duong’ne to un bende unubed e kombe apar gariyo, kung’ado bura ni dhoudi apar gariyo mag Israel.

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

2 Jo-Thesalonika 1:7

to noresu un muneno sandruok, kendo wan bende noreswa. Mano notimre ka Ruoth Yesu ofwenyore, koa e polo gi malaika mage man gi teko,

Fweny 14:13

Eka ne awinjo dwol moa e polo kawacho niya, “Ndik ni, ‘Chakre kawuono, jogo matho kogeno kuom Ruoth, gin johawi!’ ” Roho bende wacho ni, “Ee, gin johawi adier, nikech giniyue kuom tichgi matek, nimar gik ma gisetimo dhi kodgi.”