Daniel 11:27 - MUMA MALER 2015

²⁷ Bang’e ruodhi ariyogo nobed piny mondo ochiem kaachiel, to ginibed ka gin gi paro maricho. Omiyo giniwuondre, kendo ok giniyud gima gidwaro, nimar kinde ma Nyasaye oketo pok ochopo.

Motingʼo Loko Manyien

²⁷ Ruodhi ariyogo nobedi e mesa achiel ka gichano timo gik maricho kendo ka moro ka moro wuondo nyawadgi, to parogino ok notimre, nikech gikogi pod nobi abiya, ka kinde ochopo.

Daniel 11:27 ပူးပေါင်းရင်းမြစ်များ

2 Samuel 13:26

Eka Absalom nowachone niya, “Ka ok iyie biro, to we mondo wadhi gi Amnon owadwa.” Ruoth nodwoke niya, “Ere gimomiyo dodhi kodu?”

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Zaburi 52:1

In ng’ama ratego, ang’o momiyo isungori nikech richoni? Hera mar Nyasaye osiko pile nyaka chieng’.

Zaburi 58:2

Ooyo, ok utim kamano, to uparo mana richo ma udwaro timo, kendo utimo timbe mahundu e piny.

Zaburi 62:9

Adier, dhano chalo mana gi muya, kendo onge gima onyalo. Ka ikete e rapim, to ok opek kata matin. Oyot moloyo muya!

Zaburi 64:6

Gichano timbegi maricho gi rieko maling’ling’. Yaye! Chuny dhano gi parone lich manade!

Ngeche 12:20

Joma ochano timbe mamono wuondore kendgi giwegi, to joma timbegi long’o yudo mor.

Ngeche 19:21

Ng’ato nyalo chano gik mathoth, to dwaro mar Ruoth Nyasaye ema timore.

Ngeche 26:23

Weche mamit mawuok e chuny marach chalo gi agulu mochue marachrach, to owir gi range mang’ang’ni.

Ezekiel 17:9

“Kuom mano, koro an Ruoth Nyasaye, apenjo kama: Bende yadh mzabibuno biro betie, mi dongi? Donge ongo mokwongo cha biro dhuole gi lop tiende, mi lwar olembene piny kendo tur bedene, mi pote wang’? Pudhe oko yot, ma ok nyal dwaro oganda maduong’ kata ng’ama ratego!

Daniel 10:1

E higa mar adek mar loch Kuros ruodh Persia, wach nofwenyore ni Daniel, ma bende niluongo ni Belteshazar. Kata obedo ni wachno ne en wach ma adier, to winjo tiende ne ok yot. Kata kamano ne onyise tiende e yor fweny.

Daniel 11:28

Ruodh Siria nochak wuoth ka dok thurgi, gi mwandu mang’eny moseyako, koketo chunye mondo singruok manie kind Nyasaye gi jo-Israel okethre. Enotim gima en ema ohero, eka nodhi adhiya thurgi.

Daniel 11:29

“Achien enochak omonj Misri e kinde ma Nyasaye oketo, to ok nolo pinyno kaka noloye mokwongo.

Daniel 11:35

Jomoko kuom joma riek bende nonegi mana ni mondo joma odong’ kuom ogandagi obed joma beyo mopwodh kendo maler, nyaka kinde mar giko ma Nyasaye oseketo chopi.

Daniel 11:40

“E kinde ma loch ruodh Siria chiegni rumo, ruodh Misri biro monje, mi ked kode gi tekone duto, kokonyore gi geche lweny gi joidh farese kod mende mang’eny, mi omwom mana ka aora ma mwomo genge.

Daniel 8:17

Omiyo Gabriel nobiro mochung’ buta, mi kihondko omaka, mapodho piny. Nowachona niya, “Wuod dhano, winji! Fweny mane inenono nyiso gik mabiro timore e ndalo giko.”

Daniel 8:19

eka owachona niya, “Adwaro nyisi gima notimre bang’ masiche ma mirimb Nyasaye osekelo, nikech fwenyno nyiso gik mabiro timore e ndalo mag giko.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Tich Joote 1:7

To nodwokogi ni, “Ok en wachu ng’eyo kinde ma gik ma kamago biro timoree, nikech Wuora oseketonigi ndalo ma gibiro timoree gi tekone owuon.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

1 Jo-Thesalonika 5:1

Owetewa, onge tiende ndikonu kuom ndalo kata sa ma gigo notimree,