Daniel 11:26 - MUMA MALER 2015

²⁶ Jong’adne rieko mohero moloyo ema notieke. Joge mag lweny mathoth nonegi kendo notiek ogandane mar lweny.

Motingʼo Loko Manyien

²⁶ Joma chamo chiemo mopogne joka ruoth notem mondo onege; jolweny mage notieki kendo thothgi noneg gi ligangla.

Daniel 11:26 ပူးပေါင်းရင်းမြစ်များ

2 Ruodhi 8:14

Eka Hazael noa ir Elisha, modok ir ruodhe. Ruoth nopenje gima Elisha owachone, mi Hazael nodwoke niya, “Nonyisa ni ibiro kwo maonge kiawa.”

Zaburi 41:9

Koda ka osiepna ma ageno moloyo, kendo mane chiemo koda, bende oselokore jasika.

Daniel 11:10

“Bang’e yawuote noikre ni lweny, mi chok jolweny mang’eny. Achiel kuomgi nomwom ka ohula, mi monj kendo kwak kama lach nyaka chopi dala wasigu mochiel motegno.

Daniel 11:22

Ogend lweny duto nopiem kode, to enoywegi oko motiekgi pep, koda ka jadolo maduong’ mar Nyasaye.

Daniel 11:40

“E kinde ma loch ruodh Siria chiegni rumo, ruodh Misri biro monje, mi ked kode gi tekone duto, kokonyore gi geche lweny gi joidh farese kod mende mang’eny, mi omwom mana ka aora ma mwomo genge.

Mathayo 26:23

Yesu to nodwokogi niya, “Ng’at achiel maluto lwete koda e tawo kuomu, un ji apar gariyo, ema biro ndhoga.

Mariko 14:20

Nodwokogi niya, “En ng’at achiel ma luto lwete koda e tawo kuomu un ji apar gariyo.

Johana 13:18

“To ok awuo kuomu uduto, nimar ang’eyo joma aseyiero. To Muma wacho niya, ‘Ng’at machiemo koda oselokore jasika’, kendo wachno nyaka timre.