Daniel 11:21 - MUMA MALER 2015

²¹ Jal ma nobed ruodh Siria bang’ mano nobed ng’at ma timbene richo, ma ok owinjore bed ruoth. Enobi apoya e ndalo kue, mi okaw loch gi rieko mar miriambo.

Motingʼo Loko Manyien

²¹ “En noluwe gi ngʼat moro ma timbene richo ma ok owinjore bedo ruoth. Ngʼatni nomonj pinyruoth kinde ma jopiny paro ni gin gi kwe kendo enokaw pinyno kokonyore gi weche ma miriambo.

Daniel 11:21 ပူးပေါင်းရင်းမြစ်များ

Zaburi 12:8

Joricho luro kuonde duto, kendo ng’ato ka ng’ato pako mana gima rach.

Zaburi 15:4

to ma charo jogo ma Nyasaye odagi. Joma oluoro Nyasaye to omiyo duong’. Pile otimo gima osesingore ni obiro timo, kata bed ni en gima biro hinye en owuon,

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Isaya 32:5

Ng’at ma achach ok nochak oluong ni ng’at malong’o, bende ng’at ma jamganga ok nochak oluong ni ng’ama ogen,

Daniel 11:20

“Eka ruoth moro nowuog bang’e ma noor ng’ato osolne osuru mondo pinye obed gi mwandu mang’eny. To bang’ kinde matin ruodhno nonegi, to ok e lweny.

Daniel 11:32

Ruoth nong’ad rieko mondo oywago joma oseweyo singruokgi malerno, to kata kamano, joma ong’eyo Nyasachgi nobed motegno kendo nolochi.

Daniel 11:34

To e kinde ma inegogieno giniyud kony matin, kata obedo ni ji mang’eny kuom joma odoknigi nobed gi paro maricho.

Daniel 11:7

Bang’e watne moro nomonj jolweny ruodh Siria, kendo nodonj e dalagi mochiel motegno, mi logi.

Daniel 4:17

nikech mano e wach mane malaike ma jorit ong’ado mondo ji modak e piny ong’e ni Nyasaye Maduong’ Moloyo ema nigi loch kuom pinje duto mae piny. Onyalo keto ng’ato ang’ata modwaro obed ruoth, kata dabed ni en dhano adhana.’ ”

Daniel 7:8

To kane oyudo ang’iyo tungego, ne aneno tung’ moro matin kawuok e kind tunge mamokogo. Tung’no nomuko tunge adek mane oyudo ni kanyo chon, mondo owene thuolo. Tung’no ne nigi wenge ka mag dhano, kod dhok mawacho weche mag sunga.

Daniel 8:23

“Ka loch ruodhigo ochiegni rumo, kendo ka gisetimo richo mang’eny moromo kumo, to ruoth moro ma wiye tek, makwiny kendo ma jamriambo, biro wuok.

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Daniel 8:9

Bang’e tung’ moro notwi, kowuok e achiel kuom tunge ang’wen-go. Nonyiso tekone kochiko yo milambo gi yo wuok chieng’ kod yo piny maber mar Israel.

Nahum 1:14

Ruodh Asuria to awachone kama: ‘Asegolo chik mondo nyingi orum chuth! Yawuoti ok nobed ruodhi kari, kendo abiro ketho nyisecheni manie hekalu mari, mi ananegi nikech in gima nono!’ ”

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.