Daniel 11:18 - MUMA MALER 2015

¹⁸ Bang’ mano nomonj ogendini modak e dho nam, mi olo pinjegi mang’eny. To jatelo moro moa e piny machielo noloye, mi tiek sungane chuth.

Motingʼo Loko Manyien

¹⁸ Bangʼe nolokre ochom pinje manie dho nam, kendo nokaw thothgi, kata kamano jatend jolweny moro notiek achaya mochechogono, kendo nodwok achayagego e wiye owuon.

Daniel 11:18 ပူးပေါင်းရင်းမြစ်များ

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Jeremia 2:10

“Koro idhuru yie udhi e chula mar Saipras, kendo uor joote Kedar openjnu wach mondo uwinj ane

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Ezekiel 27:6

Ngeyni magi to ne giloso gi yiend ober moa Bashan, kendo tati ne giloso gi yiend saipras, mogol e chulni mag Kitim. Eka ne gibawi gi lak liech.

Hosea 12:14

Jo-Israel osemiyo Ruoth Nyasaye mirima mager. Giwinjore gi tho kuom timbegi maricho, kendo Nyasaye ok nowenigi richogi, to obiro kumogi kuom wichkuot ma gisemiye.

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.