Daniel 10:14 - MUMA MALER 2015

¹⁴ Koro asebiro mondo anyisi gima biro timore ni jou e ndalo mabiro, nikech ma bende en fweny manyiso gik mabiro timore e ndalo mabiro.”

Motingʼo Loko Manyien

¹⁴ Omiyo asebiro mondo alerni tiend gima biro timore ne jou, nimar fweny misenenono wuoyo kuom gik mabiro timore e ndalo mabiro.

Daniel 10:14 ပူးပေါင်းရင်းမြစ်များ

Chakruok 49:1

Jakobo noluongo yawuote mowachonigi niya, “Biuru machiegni, mondo anyisu gik mabirom timorenu e ndalo mabiro,

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Ezekiel 12:27

“Wuod dhano, jo-Israel paro ni fweny mineno kod weche mikoro ok bi timore e ndalogi, to ni ginitimre mana bang’e achien.

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!

Daniel 10:1

E higa mar adek mar loch Kuros ruodh Persia, wach nofwenyore ni Daniel, ma bende niluongo ni Belteshazar. Kata obedo ni wachno ne en wach ma adier, to winjo tiende ne ok yot. Kata kamano ne onyise tiende e yor fweny.

Daniel 12:4

“To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Daniel 12:9

Nodwoka niya, “Daniel, koro dhi adhiya, nikech wechegi odin kendo okan nyaka kinde mar giko chopi.

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Daniel 8:16

Eka nawinjo dwol machalo dwond dhano kaluongo gi loka machielo mar aora Ulai niya, “Gabriel, nyis jalo tiend gima ne oneno.”

Daniel 8:26

Fweny mar misengni mitimo okinyi godhiambo pile ma osenyisi tiende, en adier, to kik ihul wachno ni ng’ato, nikech pod kinde malach biro kadho kapok otimore.”

Daniel 9:22

Nowachona malong’o niya, “Daniel, asebiro mondo ami ing’e tiend fweny cha.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Mika 4:1

E ndalo mabiro, got ma Hekalu ochung’ie nobed mabor moloyo gode moko duto, kendo ogendini mang’eny nodhi kanyo.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Kwan 24:14

Koro adok ir jowa, to kapok adhi, to nyaka anyisi gima jo-Israel biro timo ni jogi e ndalo mabiro.”

Rapar mar Chik 31:21

Ka githagore malit kendo gineno masiche malit kamano, to wendni nobednigi rapar, nimar nyikwagi nosik ka were. Kata koroni, kapok akelogi e piny ma nasingora ni namigi, ang’eyo kaka chunygi chalo.”

Rapar mar Chik 31:29

Ang’eyo ni ka asetho, to ubiro duworu malich, muwe yo ma asechikoue. Kuom mano, unune masiche e ndalo mabiro, nikech numiyo Ruoth Nyasaye mirima gi timbeu maricho.”

Rapar mar Chik 4:30

To mogik, ka gigi otimorenu, mi udonjo e masira, to unudog ir Ruoth Nyasaye ma Nyasachu, kendo unurit chikene.

2 Timotheo 3:1

To ng’e malong’o ni kinde mag chandruok nobedi e ndalo mag giko.

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.