Daniel 10:13 - MUMA MALER 2015

¹³ To malaika ma jarit piny Persia ne okedo koda kuom ndalo piero ariyo gachiel. Eka Mikael ma achiel kuom malaike madongo nobiro mondo okonya, nikech ne adong’ kenda e piny Persia kuno.

Motingʼo Loko Manyien

¹³ Makmana pinyruodh Pasia nogengʼona kuom ndalo piero ariyo gachiel. Eka bangʼe Mikael, ma en achiel kuom malaike madongo, nobiro mondo okonya, nikech ruodh Pasia ogengʼona.

Daniel 10:13 ပူးပေါင်းရင်းမြစ်များ

Ezra 4:24

Chakre chieng’no, tich Od Nyasaye man Jerusalem nochung’, mi nosiko kamano nyaka higa mar ariyo mar loch Darius ruodh Persia.

Daniel 12:1

“E kindeno, malaika maduong’ miluongo ni Mikael marito jou, biro thinyore. Enobed kinde mar chandruok marachie moloyo kendo ma pok oneye nyaka ne ogendini chak bet e piny. Ka kindeno ochopo, to ibiro res jou duto ma nyinggi ondiki e kitap Nyasaye.

Jo-Efeso 6:12

nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

Jo-Kolosai 2:10

omiyo ka un kuom Kristo, to un gi gik moko duto te, nikech en e jatelo moloyo jotelo duto, kendo oloyo teko duto.

1 Jo-Thesalonika 2:18

Kuom mano ne wachano biro iru. Adier an Paulo ne achano biro iru ndalo mang’eny, to Satan nosindowa.

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.

Juda 1:9

To eka kata mana Mikael, malaika maduong’, kane laro gi Satan ringre Musa, to ne ok ohedhore yanye gi weche maricho, to nowachone mana niya, “Ruoth mondo okweri.”

Fweny 12:7

Eka lweny nowuok e polo. Mikael gi malaikane nokedo gi thuol malichno. Thuol gi malaikane bende nokedo kodgi,