Daniel 1:7 - MUMA MALER 2015

⁷ To jatelo maduong’ nochakogi nying manyien. Daniel nochako ni Bethshazar, to Hanania ni Shadrak; Mishael to nochako ni Meshak, kendo Azaria ni Abednego.

Motingʼo Loko Manyien

⁷ Jatelo maduongʼ nomiyogi nying manyien machal kama: Daniel nochako ni Belteshazar; Hanania nochako ni Shadrak; Mishael nochako ni Meshak; to Azaria nochako ni Abednego.

Daniel 1:7 ပူးပေါင်းရင်းမြစ်များ

Chakruok 41:45

Nochako Josef ni Zefenath-panea. Nonywomone nyako ma nyinge Asenath nyar Potifera, jadolo mar dala On. Kamano Josef nobedo gi teko e piny Misri duto.

2 Ruodhi 23:34

Eka Farao-neko noketo Eliakim wuod Josia mondo obed ruoth kar Josia wuon mare, kendo noloko nyinge ni Jehoyakim. Jehoahaz to notero Misri, kuma nothoe.

2 Ruodhi 24:17

To ruodh Babulon noketo Matania ma owadgi wuon Jehoyachin mondo obed ruoth kar Jehoyachin. Noloko nying Matania ni Zedekia.

Daniel 1:19

Ruoth nowuoyo kodgi duto, mi oyudo ni Daniel gi Hanania gi Mishael kod Azaria riek moloyo yawuowi mamokogo duto. Kuom mano ne gidonjo e tich ruoth.

Daniel 1:3

Bang’e nogolo chik ni Ashpenaz mane jatelo maduong’ mondo oyier yawuot joka ruodh Israel gi mag jotend Israel.

Daniel 10:1

E higa mar adek mar loch Kuros ruodh Persia, wach nofwenyore ni Daniel, ma bende niluongo ni Belteshazar. Kata obedo ni wachno ne en wach ma adier, to winjo tiende ne ok yot. Kata kamano ne onyise tiende e yor fweny.

Daniel 2:26

Ruoth ne openjo Daniel (ma bende niluongo ni Belteshazar) niya, “Bende inyalo nyisa lek mane aleko, mi ilokna tiende adier?”

Daniel 2:49

To bende Daniel nokwayo ruoth mi oketo Shadrak gi Meshak kod Abednego jotend gweng’ Babulon. Daniel to nosiko katiyo mana e dala ruoth.

Daniel 4:5

To chieng’ moro kane anindo, ne aleko lek mobwoga, mi aneno gik malich miwuoro.

Daniel 4:8

To bang’e Daniel ma bende iluongo ni Belteshazar, nodonjo. (Nyingeno oting’o nying Bel ma nyasacha.) Much nyiseche maler ni kuome. En bende nanyise leknano.

Daniel 5:12

Ng’atno iluongo ni Daniel, mane Nebukadnezar ochako ni Belteshazar. En gi nyalo mar adier kod rieko, bende olony e tiend midhierni. Omiyo or ng’ato oluongnigo, mondo onyisi tiend wachni.”