Daniel 1:4 - MUMA MALER 2015

⁴ Yawuowigo ne nyaka bed joma nigi chia maber ma onge gi songa moro e dendgi, kendo mariek motiegore moromo tiyo e od ruoth. Ashpenaz ne nyaka puonjgi ndiko kendo somo dho Babulon.

Motingʼo Loko Manyien

⁴ ma gin yawuowi matindo man-gi chia maonge songa, molony e migepe duto mag rieko, mosomo malach, ma wach donjonegi piyo kendo mowinjore gi tiyo e od ruoth. Ne onego opuonjgi dho jo-Babulon kaachiel gi weche mamoko mag jo-Babulon.

Daniel 1:4 ပူးပေါင်းရင်းမြစ်များ

Chakruok 41:46

Josef ne jahigni piero adek ka nochako tij Farao ruodh Misri. Noa ir Farao, mowuotho e piny Misri duto.

2 Samuel 14:25

E Israel duto ne onge ng’at man gi chia miwuoro ka Absalom. Mbala ne onge kuome, a wiye nyaka tiende piny.

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Eklesiastes 7:19

Gima rieko timo ni ng’ato duong’ moloyo gima ruodhi apar nyalo timo ni dala ma gidakie.

Isaya 36:11

Eka Eliakim gi Shebna kod Joa nowacho ni Rabshake niya, “Wasayi, yie iwuo kodwa gi dho Aram, nikech en dhok mwang’eyo, to we wuoyo kodwa gi dho Hibrania kae, nimar joma ni ewi ohinga nyalo winjowa.”

Jeremia 5:15

Un jo-Israel, akelo oganda moro, maa e piny mabor mondo obi omonju. En oganda machon kendo maratego ma ok uwinj dhogi, kata mana weche ma giwacho bende ok ung’eyo.

Daniel 2:10

Eka ajuoke noduoke niya, “Yaye, ruoth onge kata ng’ato achiel e piny ngima manyalo nyisi gima idwaro ng’eyono. Onge ruoth moro amora, kata da bed ni oduong’ machal nadi, mosedwaro ni nyaka ajuoke hulne wach ma kamano.

Daniel 2:2

Kuom mano, noluongo jong’adne rieko gi jothieth gi ajuok nyakalondo kod jokor mondo obi ohulne tiend lekno. Kane gibiro mi gichung’ e nyime,

Daniel 3:8

E ndalogo ema ne jo-Babulon moko oyudoe thuolo mar donjo ni jo-Yahudi.

Daniel 4:7

Eka nokel ajuoke duto, mi ahulonigi lekna, to ne ok ginyal lokona tiende.

Daniel 5:11

Nitie ng’at moro e pinyi man gi much nyiseche maler. E ndalo loch ruoth Nebukadnezar kwaru, ng’atno ne nigi paro maber kod rieko mana ka rieko mag nyiseche, omiyo nokete jatend ajuoke duto.

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

Daniel 9:1

E higa mokwongo mar loch Darius wuod Ahazuerus ja-Media, mane ruodh piny Babulon,

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Tich Joote 7:20

E ndalogo ema nonywolie Musa, mane nyathi ma jaber ahinya. Ne opidhe e odgi kuom dueche adek,

Tich Joote 7:22

Musa nopuonjore rieko duto mag jo-Misri, kendo nodoko ng’at maratego kuom wechene gi tichne.

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Jong’ad Bura 8:18

Bang’e nopenjo Zeba gi Zalmuna niya, “Joma nunego Tabor ne chal nadi?” Ne gidwoke ni, “Ne gichal kodi. Ng’ato ka ng’ato kuomgi ne chalo gi wuod ruoth.”