Daniel 1:20 - MUMA MALER 2015

²⁰ E kinde akinda mane ruoth openjoe wach moro, kata mane okeloe gimoro matek manade, to ne oyudo ni yawuowi ang’wen-go ong’eyo wachno nyadipar moloyo johul wach kata ajuoke duto mae pinye.

Motingʼo Loko Manyien

²⁰ E kit rieko duto gi lony kuom winjo tiend weche matek mane ruoth otemogie gi penjo, noyudo ka giriek moloyo ajuoke gi jokor wach duto mane ni e pinyruodhe duto nyadipar.

Daniel 1:20 ပူးပေါင်းရင်းမြစ်များ

Chakruok 31:7

En to, osewuonda, moloko pokna nyadipar. To kata kamano, Nyasaye ne ok oweyo ohinya.

Chakruok 41:8

Kinyne gokinyi chunye nochandore ahinya, omiyo noluongo ajuoke kod joma riek duto manie piny Misri. Nonyisogi lekne, to onge ng’ama ne nyalo lokone tiendgi.

Nehemia 4:12

Kane jo-Yahudi modak machiegni gi wasikwa obiro irwa, ne giwachonwa jading’eny ni wasikwago biro wuok kuonde duto ma gidakie mondo omonjwa.

Ayub 19:3

Kinde ka kinde uwang’o iya, kendo ok une wichkuot ka uyanya.

Zaburi 119:99

An gi paro matut moloyo jopuonjna, to nikech chikeni ema aparo.

Wuok 7:22

To bang’e ajuoke mag Misri bende notimo hono mana machal kamano gi bindgi, mi wi Farao nosiko matek kaka chon. Notamore winjo wach Musa gi Harun mana kaka Ruoth Nyasaye nosenyiso,

Wuok 8:19

Eka ajuoke nowachoni Farao niya, “Ma en hond Nyasaye.” To wi Farao ne pod tek, kendo ne ok owinjo wach Musa gi Harun, mana kaka Ruoth Nyasaye nosenyiso.

Wuok 8:7

To ajuoke notiyo gi bindgi, mi gin bende ne gimiyo ogwende obiro e piny.

Isaya 19:3

Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Ezekiel 28:3

Koso iparo ni iriek moloyo Daniel, ma onge gima dotami ng’eyo?

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Daniel 2:13

Kuom mano chik nowuok mondo oneggi duto, koda ka Daniel gi jowetene.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Daniel 5:17

Daniel nodwoko niya, “Ruoth, bed abeda gi michnigo, kata inyalo miyogi ng’ato ang’ata mihero. An to abiro somoni asoma gima ondikno, mi anyisi tiende.

Kwan 14:22

akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim