Daniel 1:19 - MUMA MALER 2015

¹⁹ Ruoth nowuoyo kodgi duto, mi oyudo ni Daniel gi Hanania gi Mishael kod Azaria riek moloyo yawuowi mamokogo duto. Kuom mano ne gidonjo e tich ruoth.

Motingʼo Loko Manyien

¹⁹ Ruoth nowuoyo kodgi, kendo ne ok oyudo ngʼama ne nyalo romo gi Daniel, Hanania, Mishael kod Azaria, omiyo yawuowi angʼwen-go nochako tiyo ne ruoth.

Daniel 1:19 ပူးပေါင်းရင်းမြစ်များ

Chakruok 41:46

Josef ne jahigni piero adek ka nochako tij Farao ruodh Misri. Noa ir Farao, mowuotho e piny Misri duto.

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Jeremia 15:19

To Ruoth Nyasaye nodwoka niya, “Ka iduogo ira, to abiro rwaki, mi inichak ibed jatichna, ka iwacho weche makare, ma ok weche manono, to inichak ibed janabina. Ji biro biro iri, to ok inidhi irgi.

Daniel 1:18

Kane higni adek mane ruoth Nebukadnezar oketo oserumo, Ashpenaz notero yawuowigo duto e nyime.

Daniel 1:4

Yawuowigo ne nyaka bed joma nigi chia maber ma onge gi songa moro e dendgi, kendo mariek motiegore moromo tiyo e od ruoth. Ashpenaz ne nyaka puonjgi ndiko kendo somo dho Babulon.

Daniel 1:5

Bende ruoth nogolo chik ni nyaka mi yawuowigo chiemo gi divai pile mana kaka imiyo jood ruoth mamoko. Ne onego gitiegre kuom higni adek, eka bang’e ne ginyalo tiyo ni ruoth.

Daniel 1:6

Kuom joma ne oyiergo ne nitie yawuot jo-Juda ma nyinggi Daniel gi Hanania gi Mishael kod Azaria.

Daniel 1:7

To jatelo maduong’ nochakogi nying manyien. Daniel nochako ni Bethshazar, to Hanania ni Shadrak; Mishael to nochako ni Meshak, kendo Azaria ni Abednego.

Daniel 2:13

Kuom mano chik nowuok mondo oneggi duto, koda ka Daniel gi jowetene.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”