Chakruok 9:3 - MUMA MALER 2015

³ Gimoro amora man gi ngima, kendo mawuotho, nobed chiembu. Kaka ne amiyou alote, e kaka koro amiyou gigo duto.

Motingʼo Loko Manyien

³ Gimoro amora mangima kendo wuotho nobed chiembu. Mana kaka asemiyou alode, koro amiyou gik moko duto.”

Chakruok 9:3 ပူးပေါင်းရင်းမြစ်များ

Chakruok 9:2

Le duto mae piny, kod winy duto mae polo, gi gik moko duto mamol e lowo, kaachiel gi rech mae nam, noluoru, kendo aketogi e luetu.

Tim jo-Lawi 22:8

Kik ocham gima otho athoya kende, kata chiayo ma ondiek onego, nikech kotimo kamano to obedo mogak. An e Ruoth Nyasaye.

Jo-Rumi 14:14

Ang’eyo maber chutho kaka ja-Kristo, ni onge chiemo moro ma inyalo luongo ni kuero. To ka ng’ato paro ni gimoro en gima kuero, to gino bedone mana kuero.

Jo-Rumi 14:17

nikech Loch Nyasaye ok en wach mar chiemo kata mar madho gimoro, to en mana wach tim makare gi kue kod mor ma Roho Maler kelo.

Jo-Rumi 14:20

Kik iketh tich Nyasaye mana nikech wach chiemo. En adier ni onge chiemo moro makuero, to kichamo gimoro mamiyo ng’ato podho, to iketho.

Jo-Rumi 14:3

Joma chamo kit chiemo duto kik cha joma ok tim kamano. To bende joma chamo mana alot kende kik ng’ad bura ni joma chamo kit chiemo duto, nikech Nyasaye oserwakogi.

1 Jo-Korintho 10:23

Uwacho niya, “Ng’ato nigi thuolo mar timo gimoro amora.” Ee, mano adier, to kata kamano gik moko duto ok konywa. Ee, wan thuolo mar timo gimoro amora, to gik moko duto ok kelnwa dongruok.

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

Rapar mar Chik 12:15

“To kata kamano, pod unyalo yeng’o e dala moro amora mondo ucham ring’o, e sa asaya muhero, mana kaka Ruoth Nyasaye ma Nyasachu omiyou. Ji duto, joma ogak kod joma ok ogak, nyalo chamo ring’ono, mana ka gima en ring ogunde kata ring mwanda.

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.