Chakruok 8:20 - MUMA MALER 2015

²⁰ Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

Motingʼo Loko Manyien

²⁰ Eka Nowa nogero kendo mar misango ne Jehova Nyasaye kendo nokawo le maler kod winy maler moko michamo, motimogo misango miwangʼo pep ewi kendono.

Chakruok 8:20 ပူးပေါင်းရင်းမြစ်များ

Chakruok 13:18

Kuom mano, Abram nodar, modhi Hebron, kuma noguroe hembe but yien milemoe mag Mamre. Eka nodak kanyo mogeroe kendo-mar-misango ni Ruoth Nyasaye.

Chakruok 13:4

Kendo ogeroe kendo-mar-misango. Eka nolamo Ruoth Nyasaye kanyo.

Chakruok 22:2

Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”

Chakruok 22:9

Kane gichopo kama Nyasaye nosenyise, Ibrahim nogero kendo-mar-misango, kendo nochanoe yien. Bang’ mano notweyo wuode, moketo e wi yien ma nosechano e kendogo.

Chakruok 26:25

Kuom mano, Isaka nogero kendo-mar-misango kuno, molamoe Ruoth Nyasaye. Nodak kanyo, mi jotichne nokunyo soko moro kanyono.

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

Chakruok 35:1

Nyasaye nowacho ni Jakobo niya, “Ikri idhi Bethel, mondo idag kuno, kendo igerie kendo-mar-misango ni Nyasaye mane ofwenyoreni e kinde mane iringo Esau owadu.”

Chakruok 35:7

Nogero kendo-mar-misango kuno, kendo nochako kanyo ni Bethel, (tiende ni od Nyasaye,) nikech Nyasaye nofwenyorene kanyo ka ne oringo owadgi.

Chakruok 4:4

Habil bende nokelo jambe ma nokwong nywol. Noyang’o mochiwo bochegi ni Ruoth Nyasaye. Ruoth Nyasaye nobedo mamor gi Habil kod chiwone,

Chakruok 7:2

Kaw le michamo machwo abiriyo gi mamon abiriyo, kod ma ok cham ariyo ariyo,

Chakruok 7:3

kaachiel gi kit winy, machwo abiriyo gi mamon abiriyo, mondo kik kitgi rum e piny.

Chakruok 8:19

Le duto gi jamni duto kod winy duto, gi gimoro amora mamol e lowo, bende nowuok e yie ka kit gimoro ka gimoro luwore kendgi.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Wuok 10:25

Musa nodwoke niya, “To ing’eyo ni in ema nyaka imiwa jamni mwatimogo ni Ruoth Nyasaye ma Nyasachwa misengni miwang’o pep kod misengni mamoko.

Wuok 29:18

Eka iwang’ imno duto e kendo-mar-misango. Mano en misango miwang’o pep ni Ruoth Nyasaye. En tik mang’ue ng’ar moa kuom misango miwang’o ni Ruoth Nyasaye.

Wuok 29:25

Eka ikawgi e lwet Harun gi yawuote, kendo iwang’gi e kendo-mar-misango, kaachiel gi misango miwang’o pep, mondo gidum tik mang’ue ng’ar moa kuom misango miwang’o ni Ruoth Nyasaye.

Kwan 7:21

gi nyarwath gi im gi nyaim ma hike achiel mitimogo misango miwang’o pep,

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Jo-Hibrania 13:10

Wan gi kendo-mar-misango ma jodolo matiyo e Hema Maler onge gi ratiro mar chamo misengni motimie.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!