Chakruok 6:9 - MUMA MALER 2015

⁹ Ma e sigand Nowa: Nowa ne en ng’at makare. En kende ema ne oonge gi ketho e ndalogo, kendo nowuotho gi Nyasaye.

Motingʼo Loko Manyien

⁹ Ma e nonro mar Nowa. Nowa ne ngʼama kare, kendo malongʼo e kind oganda mane nitie kendo nowuotho gi Nyasaye.

Chakruok 6:9 ပူးပေါင်းရင်းမြစ်များ

Chakruok 10:1

Nyikwa Nowa mane yawuote ma Shem gi Ham kod Jafeth onywolo kane pi oseketho piny e magi:

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 2:4

Mano e kaka nochue polo gi piny. E kinde mane Ruoth Nyasaye chueyo polo gi piny,

Chakruok 48:15

Eka noguedhogi kowacho niya, “A Nyasaye, yie iguedh nyithindigi. In e Nyasaye mane Ibrahim kwara gi Isaka wuora jolamo, kendo in e Nyasaye mosetelona nyaka koroni.

Chakruok 5:1

Ma e kaka ochan tienge mag nyikwa Adam: Kane Nyasaye ochueyo dhano machal kode owuon.

Chakruok 5:22

Bang’e nowuotho gi Nyasaye kuom higni mia adek, kendo nomedo nywolo nyithindo moko,

Chakruok 5:24

Bang’ wuotho gi Nyasaye kamano, ne ok ochak onene kendo, nikech Nyasaye nokawe.

Chakruok 6:10

Ne en kod yawuowi adek ma nyinggi Shem gi Ham kod Jafeth.

Chakruok 7:1

Ruoth Nyasaye nowacho ni Nowa niya, “Donj e yie kod joodi duto, nikech aseneno ni in kendi e ng’at makare e nyima kuom ji duto manie piny.

2 Samuel 22:24

Aonge gi ketho e nyim Ruoth Nyasaye kendo aseritora kuom richo.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

2 Weche mag Ndalo 15:17

To ne ok oketho hembko mane ni kuonde moting’ore e piny Israel. Kata kamano chunye nodimbore e nyim Nyasaye ndalone duto.

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Ayub 12:4

Koda ka osiepena nyiera anyiera, kata obedo ni an ng’at makare kendo ma onge ketho, to chon an ema ne Nyasaye dwoko lemona.

Zaburi 37:37

To koro, kinono ng’at maber kata ng’ama kare, to ibiro nwang’o ni ng’at man gi kue nigi nyikwaye.

Zaburi 37:39

Ruoth Nyasaye reso joma kare, kendo oritogi e kinde mag chandruok.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Ezekiel 14:14

To kata dabed ni ji adek ma Nowa gi Daniel kod Ayub odak kuno, to timbegi makare dires mana ngimagi giwegi kende. An Ruoth Nyasaye ema awacho kamano.

Ezekiel 14:20

to kata da bed ni Nowa gi Daniel kod Ayub odak kuno, to ok digires kata mana nyithindgi. Timbegi makare dires mana ngimagi giwegi kende.

Habakuk 2:4

Koro ma e fweny nogo: Ng’at ma chunye ok ni kare nopodhi, to ng’at makare nobed mangima nikech adierane.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Luka 2:25

E kindeno ne nitie ng’at moro Jerusalem, ma nyinge Simeon. Ne en ng’at makare, moluoro Nyasaye, kendo nogeno ni Mesia biro biro reso Israel. Roho Maler ne ni kode,

Luka 23:50

Ne nitie ng’at moro ma nyinge Josef, mane oa e dala jo-Yahudi miluongo ni Arimathaya. Ne en ng’at makare kendo mogen, kendo ne ogeno ni none Loch Nyasaye.

Tich Joote 10:22

Ne gidwoke ni, “Jaduong’ lweny moro ma nyinge Kornelio ema oorowa. En ng’at makare, moluoro Nyasaye, kendo ma jo-Yahudi duto ogeno. To nonyise mondo oluongi idhi e ode, owinj ane wachni.”

Jo-Rumi 1:17

Wach Maber nyiso ji yo ma miyogo dhano bedo e winjruok kode, mana kaka Muma wacho ni, “Ng’at ma obet e winjruok gi Nyasaye nikech oyie ema nobed mangima.”

Jo-Galatia 3:11

Ong’ere malong’o ni onge ng’ama Chik miyo obet e winjruok gi Nyasaye, nimar Muma wacho bende ni, “Ng’at ma obedo e winjruok gi Nyasaye nikech oyie ema nobed mangima.”

Rapar mar Chik 18:13

Ruoth Nyasaye ma Nyasachu dwaro mondo utine gi chunyu duto.

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

2 Petro 2:5

Bende Nyasaye ne ok oweyo piny machon mak otieko, kane okelo ataro e piny joricho, to noreso mana Nowa, mane jaland Wach Makare, kod ji mamoko abiriyo.