Chakruok 6:7 - MUMA MALER 2015

⁷ mowacho niya, “Abiro nego ji duto ma asechueyo kamoro amora ma gintie, kaachiel gi le kod winy bende, nikech daber ka dine ok achueyogi.”

Motingʼo Loko Manyien

⁷ Kuom mano Jehova Nyasaye nowacho niya, “Abiro nego dhano duto masechweyo e wangʼ piny kaachiel gi le kod gik mamol duto kod winy mafuyo e kor polo nimar dine ber ka dine ok achweyogi.”

Chakruok 6:7 ပူးပေါင်းရင်းမြစ်များ

Chakruok 6:6

noparo ni kara ne ok owinjore ochue dhano, kendo kete e piny. Omiyo chunye nodoko malit ahinya,

Chakruok 7:21

Ji duto notho, kaaachiel gi gik mangima dutoi manie piny, kaka winy gi jamni gi le kod gik mamol.

Chakruok 7:4

Bang’ ndalo abiriyo abiro kelo koth e piny kuom ndalo piero ang’wen, odiechieng’ gotieno, mi anatiek gik moko duto mangima masechweyo.”

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Zaburi 37:20

Joma timbegi richo to notho. Adier, wasik Ruoth Nyasaye nolal nono ka maua makethore piyo. Ee, gibiro dum mi gilal ka iro.

Ngeche 10:27

Luor Ruoth Nyasaye, eka idag aming’a. Joricho to tho ka ndalogi podi.

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Hosea 4:3

Omiyo pinyni biro two kendo gik moko duto modakie biro tho. Adier, le duto gi winy koda ka rech biro tho.”

Amos 7:3

Mi chuny Ruoth Nyasaye nolendo, mowacho niya, “Ee, ayie. Gima kamano ok notimre.”

Amos 7:6

Mi chuny Ruoth Nyasaye nochako olendo, mowacho niya, “Mano bende ok bi timore.”

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Zefania 1:2

Ruoth Nyasaye wacho niya, “Abiro yweyo gik moko duto manie piny, mi lal nono.

Zefania 1:3

Abiro tieko dhano kaachiel gi le, bende abiro tieko winy ma e kor polo, kod rech ma e nam. Abiro goyo joma timbegi mono piny, mi atiek koth dhano chuth. An Ruoth Nyasaye ema awacho kamano.

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.

Rapar mar Chik 29:20

Ruoth Nyasaye ok nowe ni ng’atno richone, kendo mirimbe mager noliel kuome, mi kuong’ duto mondiki e kitabuni nomake kendo Ruoth Nyasaye noruch nyinge oko.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.