Chakruok 6:6 - MUMA MALER 2015

⁶ noparo ni kara ne ok owinjore ochue dhano, kendo kete e piny. Omiyo chunye nodoko malit ahinya,

Motingʼo Loko Manyien

⁶ Jehova Nyasaye chunye nodoko malit kuom keto dhano e piny kendo chunye nopongʼ gi lit.

Chakruok 6:6 ပူးပေါင်းရင်းမြစ်များ

Chakruok 6:7

mowacho niya, “Abiro nego ji duto ma asechueyo kamoro amora ma gintie, kaachiel gi le kod winy bende, nikech daber ka dine ok achueyogi.”

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

1 Weche mag Ndalo 21:15

Nyasaye nooro malaika mondo oketh Jerusalem, to kane oneno ka malaika kethe, noloko parone kuom masira mane odwaro kelo, omiyo nowacho ni malaika mane nego ji niya, “Oromo! Koro dwok lweti.” To noyudo ka malaikano ochung’ but kar dino mar Ornan ja-Jebus.

Zaburi 106:45

Ne oparo singruok mane otimonigi, mi oloko parone nikech herane maduong’,

Zaburi 110:4

Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

Zaburi 119:158

Ka arango andhokego, to chunya chido, nikech ok girit wachni.

Zaburi 78:40

Ne gipiem kode e thim ndalo mang’eny, kendo ne gimiye mirima ndalo mathoth!.

Zaburi 81:13

To mano kaka agombo ni mondo joga owinja. Ee, mad jo-Israel luw yorena.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Wuok 32:14

Omiyo Ruoth Nyasaye noloko parone, mi koro ne ok okelo ni joge masira mane osewacho.

Isaya 48:18

Dine bed ni uwinjo chikena, to hapu domol ka aora, kendo pok muyudo kuom timu makare dotiak ka pi nam.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Jeremia 18:7

Kapo ni asiemo oganda moro, kata piny moro, ni abiro ketho kata tieko kata dhuolo gi lop tiende,

Jeremia 26:19

To uparo ni ruoth Hezekia kod joge nonego Mika koso? Ooyo ne ok ginege, to Hezekia noluoro Ruoth Nyasaye, mi otemo kueyo mirimb Nyasaye. Kuom mano Ruoth Nyasaye noloko parone kuom masira mane osewacho ni obiro kelo kuomgi. To wan to koro ere gima omiyo wadwaro kelo masira malich kuomwa?”

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Jo-Rumi 11:29

Ka Nyasaye oyiero ng’ato kendo oguedho, to ok olok parone kuom ng’atno.

Jo-Efeso 4:30

Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok.

Rapar mar Chik 32:29

Ka dine giriek, to dine ging’eyo tiend gik matimore, dine ging’eyo gima biro timorenigi e giko.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Rapar mar Chik 5:29

Da ber ka gisiko gi chuny moluora kendo morito chikena duto, eka mondo gin gi nyikwagi gidag maber nyaka chieng’.

Jo-Hibrania 3:10

Mano emomiyo nakecho kod tieng’no, mi awacho niya, “Ndalo duto gitamore winjo chikena, kendo ok ging’eyo yorena,”

Jo-Hibrania 3:17

To ng’ano giri mane Nyasaye okechogo kuom higni piero ang’wen? Donge gin joma ne otimo richo, mi ringregi odong’ e thim?

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.

1 Samuel 15:29

Bende Nyasaye ma en Duong’ Maler mar Israel ok riambi kata lokre, nimar ok en dhano ma dolokre.”

1 Samuel 15:35

Samuel nokuyo nikech Ruoth Nyasaye ne oneno ni kara ne ok ber mondo oket Saulo ruodh Israel. Nyaka chop tho Samuel ne ok ochako oneno Saulo kendo.