Chakruok 6:5 - MUMA MALER 2015

⁵ Kane Ruoth Nyasaye oneno ni dhano osetimo richo mang’eny e piny, kendo chunye gombo mana timo richo pile,

Motingʼo Loko Manyien

⁵ Jehova Nyasaye noneno kaka richo dhano ogundho e piny kendo kaka paro duto mag chunye ne mana timo richo seche duto.

Chakruok 6:5 ပူးပေါင်းရင်းမြစ်များ

Chakruok 13:13

To jo-Sodom ne joma okethore kendo ma joricho motamore gi nono e nyim Nyasaye.

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Ayub 15:16

to koro ere kaka dogen dhano man gi timbe modwanyore motow, kendo magado richo mana ka pi?

Ayub 22:15

Par ane yore ma joma timbegi richo osebedo ka luwo.

Zaburi 53:2

Nyasaye rango ji gie polo, mondo one ane ka nitie joma riek kendo malame.

Ngeche 6:18

mar ang’wen en chuny maparo timo timbe mamono, mar abich en tielo marikni ka dhi timo richo,

Eklesiastes 7:29

To gima aseyudo bende, en mana ni, Nyasaye ne ochueyowa joma kare, to wan wawegi ema wasegajore gi paro mathoth.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 8:9

Nowachona ni, “Donji, ine gik makuero kendo modwanyore ma gitimo kanyo.”

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Mathayo 24:37

Biro mar Wuod Dhano nobed mana kaka ndalo mag Nowa nobet,

Luka 17:26

Kaka notimore e ndalo Nowa, e kaka notimre e ndalo Wuod Dhano.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.