Chakruok 6:4 - MUMA MALER 2015

⁴ E ndalogo kod ndalo moluwo mano, ne nitie joma rabede miwuoro e piny, mane nyi dhano kod yawuot Nyasaye onywolo. Jogo ne thuondi kendo ne joma nigi huma e ndalo machon-go.

Motingʼo Loko Manyien

⁴ Jo-Nefilim ma gin joma robede miwuoro ne nitie e piny e ndalogo kendo kod ndalo maluwe, e kindeno ma yawuot Nyasaye kod nyi dhano nonywomore monywolo nyithindo. Nyithindogo ne thuondi kendo joma ne nigi huma e ndalogo.

Chakruok 6:4 ပူးပေါင်းရင်းမြစ်များ

Chakruok 11:4

Bang’e ne giwacho niya, “Koro wageruru dala maduong’ man gi gorofa mabor mochopo nyaka e polo, mondo walos nyingwa, kik wabed ji moke e kor piny.”

Kwan 13:33

Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)

Kwan 16:2

ne jotamore bet e bwo Musa, kendo jo-Israel mia ariyo gi piero abich ma jotend oganda kendo ma joma ogen bende ne ni kodgi e wachno.

Rapar mar Chik 2:11

Ji ne luongogi ni jo-Refaim, mana kaka niluongo jo-Anakim, to jo-Moab ne luongogi ni jo-Emim.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

1 Samuel 17:4

Thwon moro ma nyinge Goliath ja-Gath, nowuok e kambi jo-Filistia. Borne ne dirom mita adek.