Chakruok 6:18 - MUMA MALER 2015

¹⁸ to mak mana in ema natim kodi singruok. Inidonj e yieno gi chiegi kod yawuoti gi mondgi,

Motingʼo Loko Manyien

¹⁸ To abiro timo singruokna kodi, kendo ibiro donjo e yie, in kaachiel gi yawuoti kod chiegi, kod mond yawuoti.

Chakruok 6:18 ပူးပေါင်းရင်းမြစ်များ

Chakruok 17:21

To anarit singruok ma asetimo kod Isaka wuodi ma Sara biro nywolo e kinde makama e higa mabiro.”

Chakruok 17:4

“Singruok ma atimo kodi e ma: Inibed wuon ogendini mang’eny.

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Chakruok 7:1

Ruoth Nyasaye nowacho ni Nowa niya, “Donj e yie kod joodi duto, nikech aseneno ni in kendi e ng’at makare e nyima kuom ji duto manie piny.

Chakruok 7:13

Odiechiengno ema Nowa gi chiege kod yawuote adek ma nyinggi Ham gi Seth kod Jafeth, kaachiel gi mondgi, nodonjo e yie,

Chakruok 7:7

Nodonjo e yie gi chiege kod yawuote gi mond yawuote mondo gikwo.

Isaya 26:20

Un joga, donjuru e uteu, mi ulor dhoudi, mondo upond matin mi mirimb Ruoth Nyasaye kadhi,

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.

2 Petro 2:5

Bende Nyasaye ne ok oweyo piny machon mak otieko, kane okelo ataro e piny joricho, to noreso mana Nowa, mane jaland Wach Makare, kod ji mamoko abiriyo.