Chakruok 6:17 - MUMA MALER 2015

¹⁷ “Abiro kelo pi e piny mondo oneg gik mangima duto. Gimoro amora manie piny biro tho,

Motingʼo Loko Manyien

¹⁷ Abiro kelo pi mar nam e piny mondo oketh gik mangima modak e bwo polo, gimoro amora man kod muya mar ngima e iye. Gimoro amora mae piny biro tho.

Chakruok 6:17 ပူးပေါင်းရင်းမြစ်များ

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Chakruok 6:13

Eka nowacho ni Nowa niya, “Asechano ni mondo atiek dhano. Abiro negogi duto, nikech piny opong’ gi timbegi maricho.

Chakruok 6:16

Ketne tado, kiweyo thuolo moromo nus mita e kind tado kod kore. Bende ketne dhoot, kendo ipog iye gorofa adek.

Chakruok 6:7

mowacho niya, “Abiro nego ji duto ma asechueyo kamoro amora ma gintie, kaachiel gi le kod winy bende, nikech daber ka dine ok achueyogi.”

Chakruok 7:15

Kamano Nowa nodonjo e yie gi gik mangima ariyo ariyo, ma dichwo gi madhako

Chakruok 7:17

Piny notimo ataro kuom ndalo piero ang’wen, kendo yie ne lewore e wi pi.

Chakruok 7:4

Bang’ ndalo abiriyo abiro kelo koth e piny kuom ndalo piero ang’wen, odiechieng’ gotieno, mi anatiek gik moko duto mangima masechweyo.”

Chakruok 9:9

“Koro atimo kodu singruok, kaachiel gi nyikwau,

Ayub 22:16

Joma luwo yore ma kamago tho ka pok ndalogi ochopo, ka gima ohula oyuoyogi.

Zaburi 107:34

Piny momew bende omiyo lokore piny motimo kado ma ok nyal pur.

Zaburi 29:10

Ruoth Nyasaye obet e kom duong’ne ewi ataro, korito piny kaka ruoth nyaka chieng’.

Wuok 14:17

Abiro jiwo jo-Misri mondo oluw bang’u. Nyinga noyud duong’ kuom loyo Farao gi joge mag lweny gi gechene, kaachiel gi joidh faresene.

Isaya 51:12

An awuon ema ahoyou. Kuom mano, ere gima omiyo uluoro dhano adhana matho, kendo maonge ndhathe ka lumni?

Isaya 54:9

Gik mosetimore miyo aparo ndalo mag Nowa. Kaka ne akuong’ora e ndalogo ni pi mane oimo piny ok nochak oime kendo, e kaka koro akuong’ora ni mirima ok nochak omaka kodi kendo, bende ok nachak adhawni.

Ezekiel 34:11

“An Ruoth Nyasaye awachonu ni abiro manyo rombena an awuon mi aritgi,

Ezekiel 34:20

“Emomiyo an Ruoth Nyasaye, anyisou ni abiro ng’ado bura e kindu un rombe machwe kod mago modhero.

Ezekiel 5:8

omiyo an Ruoth Nyasaye awacho ni amon kodu! Abiro kumou ratiro mondo ogendini duto one.

Ezekiel 6:3

‘Un gode mag Israel, chikuru itu, uwinj weche ma an Ruoth Nyasaye ema awachonu. Anyisou, un gode madongo gi matindo kod hohni gi holni ni akelo lweny kuomu, mabiro ketho kuonde ma ji lamoe nyiseche manono.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Amos 9:6

Ruoth Nyasaye gero ute e polo, kendo orenjo polo kuom piny. Oluongo pi nam mondo obi, kendo oologi e piny. Ruoth Nyasaye e nyinge!

Mathayo 24:39

To ne ok ging’eyo gima timore nyaka ataro nobiro moimogi duto. Kamano e kaka biro mar Wuod Dhano bende nobedi.

Luka 17:27

Ji duto nosiko chiemo achiema kendo metho. Chwo ne kendo, kendo nyiri bende ne dhi tedo, nyaka nochopo chieng’ mane Nowa odonjo e yie, mi pi oimo piny, motieko ji pep.

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Jo-Hibrania 11:7

Yie ema nomiyo Nowa owinjo siem mane Nyasaye osiemego kuom gik mabiro. Ne omako wach, omiyo nohondho yie mi oresogo joode. Kamano noketo ni piny bura, kendo en owuon yieneno nomiyo obedo e winjruok gi Nyasaye.

1 Petro 3:20

Mago e chuny mag joma nodagi winjo wach Nyasaye, kane pod Nyasaye rito mos e kinde mane Nowa hondhoe yie. Yieno noreso ji manok (ma kwangi oromo aboro) e pi.

2 Petro 2:5

Bende Nyasaye ne ok oweyo piny machon mak otieko, kane okelo ataro e piny joricho, to noreso mana Nowa, mane jaland Wach Makare, kod ji mamoko abiriyo.