Chakruok 50:9 - MUMA MALER 2015

⁹ Bende nodhi gi geche kod joidh farese. Ne en oganda maduong’ ahinya.

Motingʼo Loko Manyien

⁹ Joriemb geche gi Farese bende nodhi kode. Ne en gi oganda maduongʼ.

Chakruok 50:9 ပူးပေါင်းရင်းမြစ်များ

Chakruok 41:43

Nomiyo oidho gach ruoth mar ariyo, kendo joritne ne goyo koko e nyime, ka wacho niya, “Yawneuru e yo!” Kamano Josef noket ruodh Misri duto.

Chakruok 46:29

Josef nokawo gache modhi kuno, romo ni Israel wuon mare. Kane oneno wuon mare, nokwake moywak aming’a.

Chakruok 50:10

Kane gichopo kar dino cham man Atad yo wuok chieng’ mar Jordan, ne giywago wuon-gi malich ahinya kuom ndalo abiriyo.

Chakruok 50:8

kaachiel gi joode gi owetene kod jood wuon mare. Mak mana nyithindgi matindo kende gi jambgi ema ne giweyo e piny Goshen.

2 Ruodhi 18:24

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

Wuok 14:17

Abiro jiwo jo-Misri mondo oluw bang’u. Nyinga noyud duong’ kuom loyo Farao gi joge mag lweny gi gechene, kaachiel gi joidh faresene.

Wuok 14:28

Pi noduogo, moimo geche lweny gi joidh farese kod jolweny duto mag Farao ma nolawo jo-Israel ei nam. Onge kata ng’at achiel mane odong’.

Wuok 14:7

Nokawo geche mag lweny moyier mia auchiel, gi geche moko duto mag Misri, ka jatend lweny ni ei moro ka moro.

Wer Mamit 1:9

Jaherana, ilombo chwo ka faras madhako malombo farese machwo ma ywayo geche Farao.

Tich Joote 8:2

Jomoko moluoro Nyasaye noyiko Stefano, kendo oywage malit.