Chakruok 49:9 - MUMA MALER 2015

⁹ Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

Motingʼo Loko Manyien

⁹ Yaye Juda nyathina, ichalo nyathi sibuor, modwogo koa dwar. Obuto ka sibuor madhako monindo piny, maonge ngʼama nyalo chiewo.

Chakruok 49:9 ပူးပေါင်းရင်းမြစ်များ

1 Ruodhi 10:20

kendo sibuoche apar gariyo moko nochung’ moro ka moro e dir raidhi koni gi koni. Onge piny moro ma noselosie kom ruoth machal gi mano.

2 Weche mag Ndalo 9:18

Kom duong’no ne nigi raidhi man gi kuonde minyono auchiel gi raten tielo mar dhahabu momakore gi kom. To sibuoche ariyo mag dhahabu nochung’ e bath bede kom koni gi koni.

Ezekiel 19:5

Kane min oneno ni gima ne ogeno osekethore, ne ochako opidho nyathine machielo, mi en bende nolokore sibuor mager.

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Hosea 5:4

Richo ma gisetimo omonogi dok ir Nyasachgi. Gidwaro mana lamo nyiseche manono, omiyo ok giyie loch Ruoth Nyasaye.

Mika 5:8

Ee, jo-Israel motony nobed e kind ogendini mana ka sibuor ma dwaro le e bungu, kata madwaro rombe e lek. Ka odonjo kuom rombe to opodho kuomgi kendo okidhogi matindo tindo ma onge ng’ama resogi.

Kwan 23:24

Ogandagi chalo gi sibuor ma dhako mokichore, kendo ojuol ka sibuor ma dichwo. Ok onyal nindo piny, kapok ochamo gima onego momadho rembe.”

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

1 Jo-Korintho 15:24

Bang’ mano chieng’ giko nochopi, ma Kristo nochiwie loch ni Nyasaye Wuoro, kosetieko loch duto, gi teko duto kod nyalo duto,

Rapar mar Chik 33:20

Kuom jo-Gad to nowuoyoe niya, “Oguedh jalo mayaro tong’ jo-Gad. Dhood Gad chalo gi sibuor madhako, mogwom piny, ka yiecho bat gi wi gima omako.

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”