Chakruok 49:4 - MUMA MALER 2015

⁴ Ijamwomri ka pi ohula, to ok nibed gi duong’, nikech isetimo richo gi chi wuoru. Adier, isenindo e kitandana midwanyo.

Motingʼo Loko Manyien

⁴ Ijamuomri ka pi aora, to ok inibed gi duongʼ, nikech isedonjori, gi kitanda wuonu ma ichido.

Chakruok 49:4 ပူးပေါင်းရင်းမြစ်များ

Chakruok 35:22

E kinde mane Israel odak e pinyno, Reuben noterore gi Bilha, ma achiel kuom mond wuon nare. Israel nowinjo wachno, mi iye owang’. Jakobo ne nigi yawuowi apar gariyo.

Chakruok 46:8

Magi e nying jo-Israel ma nodhi Misri: Jakobo gi yawuote: Reuben wuod Jakobo maduong’,

1 Weche mag Ndalo 5:1

Reuben ne en wuod Israel makayo, to noterore gi chi wuon mare, omiyo kata obedo ni ne en kayo kamano, duong’ne mar dala ne omi yawuot Josef ma wuod Israel. To joka Josef ne ok omi duong’ mar dala kaka owinjore tim ni dhood wuowi makayo,

1 Jo-Korintho 5:1

Wachore malong’o ni wach terruok nie kindu, kendo en kit terruok ma ok nwang’ kata mana e kind joma ok oyie kuom Nyasaye, nikech ng’ato terore gi chi wuon!

Rapar mar Chik 27:20

“ ‘Okuong’ ng’at moterore gi chi wuon, nikech oelo dug wuon mare.

Rapar mar Chik 33:6

Kuom jo-Reuben, Musa nowachoe niya, “Jo-Reuben mondo obed mangima kendo kik githo, to kata kamano, onego gibed manok.”

Rapar mar Chik 5:21

“ ‘Kik igomb chi ng’ato kata od ng’ato kata puoth ng’ato kata misumba ng’ato kata dher ng’ato kata kanj ng’ato, kata gimoro amora mar ng’ato.’

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!

2 Petro 3:16

Adier, kane owuoyo kuom wechego, to mano e gima nowacho e barupene duto. Nitie weche moko matek winjo e barupenego, ma joma kia kendo ma johubagahubaga guenyo mana ni kethruokgi giwegi, mana kaka gitimo weche mamoko mondiki e Muma bende.