Chakruok 49:1 - MUMA MALER 2015

¹ Jakobo noluongo yawuote mowachonigi niya, “Biuru machiegni, mondo anyisu gik mabirom timorenu e ndalo mabiro,

Motingʼo Loko Manyien

¹ Eka Jakobo noluongo yawuote mowachonegi niya, “Biuru machiegni mondo anyisu gima biro timorenu e ndalo mabiro.

Chakruok 49:1 ပူးပေါင်းရင်းမြစ်များ

Zaburi 105:15

“Kik umul joga maseyiero, kendo kik utim ni jonabi maga marach.”

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Isaya 22:14

To Ruoth Nyasaye Manyalo Gik Moko Duto osebirona e fweny, mi awinjo ka okuong’ore ni, richou ok nopwodhi nyaka chop thou. Mano e wach Ruoth Nyasaye Manyalo Gik Moko Duto!

Isaya 39:6

Ndalo biro ma gik moko duto manie odi, ma kwereni osekano nyaka chil kawuono, noter Babulon. Bende Ruoth Nyasaye omedo wacho ni onge gima nodong’ kata achiel mak oter.

Isaya 48:14

Chokreuru un duto, mondo uwinji. Ere nyasachu moro mosehulo gima biro timore, kawacho niya, ‘Ng’at ma ahero ema nokum Babulon kaka adwaro, mi lo jo-Kaldai.’

Isaya 53:1

En ng’a moseyie wach mwalando? Koso ere ng’ama Ruoth Nyasaye osenyiso tekone?

Jeremia 23:20

Ok obi rumo kapok otieko timo gik ma adwaro. E ndalo mabiro un joga ubiro ng’eyo tiend wechegi duto malong’o!”

Daniel 10:1

E higa mar adek mar loch Kuros ruodh Persia, wach nofwenyore ni Daniel, ma bende niluongo ni Belteshazar. Kata obedo ni wachno ne en wach ma adier, to winjo tiende ne ok yot. Kata kamano ne onyise tiende e yor fweny.

Daniel 10:14

Koro asebiro mondo anyisi gima biro timore ni jou e ndalo mabiro, nikech ma bende en fweny manyiso gik mabiro timore e ndalo mabiro.”

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Mika 4:1

E ndalo mabiro, got ma Hekalu ochung’ie nobed mabor moloyo gode moko duto, kendo ogendini mang’eny nodhi kanyo.

Kwan 24:14

Koro adok ir jowa, to kapok adhi, to nyaka anyisi gima jo-Israel biro timo ni jogi e ndalo mabiro.”

Luka 2:26

kendo nosenyise ni ok notho ka pok oneno Mesia ma Ruoth Nyasaye biro oro.

Tich Joote 2:17

‘Nyasaye wacho niya, “E ndalo giko, anaol Roho mara kuom ji duto. Yawuotu gi nyiu nokor wach, bende jou matindo none fweny, kendo jou madongo nolek lek.

Rapar mar Chik 31:12

Nyaka uchik ji duto, chwo gi mon kod nyithindo, kaachiel gi jopinje mamoko modak kuomu, mondo giwinj chikno, eka gipuonjre luoro Ruoth Nyasaye ma Nyasachu, mi girit wechene duto maber.

Rapar mar Chik 4:30

To mogik, ka gigi otimorenu, mi udonjo e masira, to unudog ir Ruoth Nyasaye ma Nyasachu, kendo unurit chikene.

1 Timotheo 4:1

Roho wacho malong’o ni e ndalo giko, ji moko nowe yie marwa, ka gichiko itgi ni puonj mag jochiende ma miyo ji lal.

2 Timotheo 3:1

To ng’e malong’o ni kinde mag chandruok nobedi e ndalo mag giko.

Jo-Hibrania 1:2

to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto.

Jo-Hibrania 13:1

Hera ma owete kuom Kristo oherorego mondo osiki.

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”