Chakruok 48:9 - MUMA MALER 2015

⁹ Josef nodwoke ni, “Magi e nyithinda ma Nyasaye osemiya Misri ka.” Mi Israel nowachone niya, “Yie ikelgi mondo aguedhgi.”

Motingʼo Loko Manyien

⁹ Josef nowacho ne wuon mare niya, “Gin yawuowi ma Nyasaye osemiya ka.” Eka Israel nowacho niya, “Kelgi ira ka mondo agwedhgi.”

Chakruok 48:9 ပူးပေါင်းရင်းမြစ်များ

Chakruok 27:4

Bang’e itedna ring’o mamit kaka ahero cha, mondo ikelna acham. Eka abiro guedhi kapok atho.”

Chakruok 30:2

Jakobo nokecho gi Rahel, mowachone niya, “Iparo ni an e Nyasaye, mosetami e nywol?”

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

Chakruok 49:28

Mago e dhoudi apar gariyo mag jio-Israel, kendo ka ne Jakobo wuon-gi oguedhogi, nomiyo moro ka moro gueth moromo kode.

1 Weche mag Ndalo 25:5

Jogo duto ne yawuot Heman mane Nyasaye omiye mondo opakego, kaka nosesingore. Nyasaye nomiyo Heman yawuowi apar gang’wen kod nyiri adek,

Zaburi 127:3

Nyithindo gin mich moa kuom Ruoth Nyasaye. Adier, gin gueth miwuoro.

Isaya 8:18

An kaachiel gi nyithindo ma Ruoth Nyasaye osemiya, wan ranyisi ma Ruoth Nyasaye Manyalo Gik Moko Duto modak e got Sayun oseoro, manyisogi gik mabiro timore.

Rapar mar Chik 33:1

Kane Musa ng’at Nyasaye chiegni tho, noguedho jo-Israel, kowacho kama:

Jo-Hibrania 11:21

Bende kane Jakobo chiegni tho, to yie ema nomiyo oguedho yawuot Josef moro ka moro, kendo olamo Nyasaye koyiengore e ludhe.

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”

1 Samuel 1:27

Ne akwaye nyathini, kendo koro osemiyago kaka nakwaye.