Chakruok 48:5 - MUMA MALER 2015

⁵ Eka Jakobo nomedo wacho ni Josef niya, “Yawuoti ariyo mane inywolo Misri kapok abiro iri kaeri, ibiro kwan ka nyithinda. Adier, Efraim gi Manase biro bedo maga, mana kaka Reuben gi Simeon.

Motingʼo Loko Manyien

⁵ “Eka yawuoti ariyo mane inywolo e piny Misri kane pok abiro iri ka ibiro kwan kaka nyithinda; Efraim kod Manase biro bedo nyithinda mana kaka Reuben kod Simeon.

Chakruok 48:5 ပူးပေါင်းရင်းမြစ်များ

Chakruok 46:20

To Asenath nyar Potifera jadolo mar On nonywolo ni Josef Manase gi Efraim e piny Misri.

Chakruok 48:1

Kinde moro achien, Josef nowinjo ni wuon mare tuo, mi nokawo yawuote ariyo ma Manase gi Efraim, modhi nene.

Chakruok 48:6

To nyithindo mibiro nywolo bang’gi ema nobed magi. Kata kamano, korka gikeni, to nokwan-gi mana kaka joka owetegi ariyo ma Efraim gi Manase.

Zaburi 77:16

A Nyasaye, kane pige oneni, to ne gidoko maluor, kendo kude mag nam nowalo.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Ezekiel 47:13

Ruoth Nyasaye nowacho niya, “Tong’ mag piny midwaro pogo e kind dhout Israel apar gariyo, ka joka Josef to yudo diriyo moloyo dhoudi mamoko, e magi:

Tim jo-Lawi 20:26

Unubed jogo maler, nikech an Ruoth Nyasaye aler. Asepogou gi ogendini mamoko mondo ubed joga.

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Kwan 1:10

Kuom joka Josef to en Elishama wuod Amihud e dhood Efraim, kod Gamaliel wuod Pedazur e dhood Manase.

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.

Jo-Hibrania 11:21

Bende kane Jakobo chiegni tho, to yie ema nomiyo oguedho yawuot Josef moro ka moro, kendo olamo Nyasaye koyiengore e ludhe.

Joshua 13:7

Koro pog pinyni ni dhoudi ochiko kande, kaachiel gi jo-Manase konchiel.”

Joshua 14:4

Joka Josef nosepogore dhoudi ariyo, ma Manase gi Efraim. Jo-Lawi ne ok oyudo pok moro e pinyno, mak mana mier mag dak kod lege jamni ma nokiewo gi miego.