Chakruok 48:4 - MUMA MALER 2015

⁴ Nowachona ni, abiro miyi nyithindo mang’eny, mondo nyikwayi chieng’ odok ogendini mathoth, to pinyni namigi kaka mwandugi nyaka chieng’.”

Motingʼo Loko Manyien

⁴ Kendo nowachona niya, ‘Abiro miyo inyaa kendo ibed gi nyithindo mangʼeny. Abiro timi oganda mar ji, kendo abiro miyo nyikwayi pinyni mondo obed girkeni manyaka chiengʼ.’

Chakruok 48:4 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 17:13

Ng’ato ka ng’ato nyaka ter nyangu, kendo mano nobed ranyisi e ringreu ma nyiso ni singruok masetimo koduni osiko.

Chakruok 17:6

Anamiyi nyikwayo mathoth, mi ginidok ogendini madongo, kendo jomoko kuomgi nobed ruodhi.

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Chakruok 28:3

Nyasaye Manyalo Gik Moko Duto oguedhi, kendo omiyi nyithindo mang’eny, mondo chieng’ moro idok wuon ogendini mathoth.

Chakruok 32:12

Par kaka nisesingorina ni iniguedha, kendo nimiya nyikwayo mang’eny ka kwoyo mae dho nam ma ok nyal kwan.”

Chakruok 35:11

Nyasaye nowachone kendo niya, “An Nyasaye Manyalo Gik Moko Duto. Nywol nyithindo mang’eny ibed oganda maduong’. Inibed gi nyikwayo mathoth, mi ginidok ogendini mang’eny, kendo moko kuomgi nobed ruodhi.

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

Chakruok 47:27

Jo-Israel nodak Misri e piny Goshen. Ne giyudo lowo, mi gimew, kendo ne ginya ahinya.

Zaburi 127:3

Nyithindo gin mich moa kuom Ruoth Nyasaye. Adier, gin gueth miwuoro.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 1:7

To jo-Israel nonywolo nyithindo mang’eny, mi ginya ahinya, kendo ne gipong’o piny, nyaka ne gibedo oganda maratego.

Ezekiel 37:25

Ginidag e piny mane amiyo Jakobo jatichna. En e piny mane kweregi odakie. Ginidag kuno kaachiel gi nyithingdi kod nyikwagi nyaka chieng’, kendo jatichna Daudi nobed ruodhgi mochwere.

Tim jo-Lawi 26:9

“Anabed ka aguedhou, mi anami unywol kendo unya mathoth, kendo anachop singruok duto ma natimo kodu.

Rapar mar Chik 32:8

Kane Ng’ama Duong’ Moloyo ochiwo ni ogendini pinjegi, mondo obed kuondegi mag dak, noketo ni oganda ka oganda tong’ pinygi maromre gi kar romb nyithind Nyasaye.