Chakruok 48:19 - MUMA MALER 2015

¹⁹ To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

Motingʼo Loko Manyien

¹⁹ To wuon-gi nodagi mowachone niya, “Angʼeyo mano nyathina. Manase bende biro bedo oganda maduongʼ. To kata kamano owadgi matin nobed giduongʼ moloye kendo nyikwaye nobed ogendini mangʼeny.”

Chakruok 48:19 ပူးပေါင်းရင်းမြစ်များ

Chakruok 17:4

“Singruok ma atimo kodi e ma: Inibed wuon ogendini mang’eny.

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Chakruok 25:28

Isaka nohero Esau nikech ring le mane Esau kelone ochamo. Rebeka to ne ohero Jakobo.

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

Chakruok 48:14

To Israel norieyo bade ma korachwich, moketo e wi Efraim wuowi matin, kendo bade ma koracham noketo e wi Manase wuowi maduong’.

Chakruok 48:18

kowacho ni wuon niya, “Mano ok ber wuora, nimar jali ema duong’. Kuom mano, en ema onego iket lweti ma korachwich e wiye.”

Isaya 7:17

To in Ahaz, Ruoth Nyasaye biro keloni kaachiel gi jogi kod joodi masira ma pok oneye nyaka ne jo-Israel pogre kuom jo-Juda. Ruodh Asuria ema nokel masirano.

Ezekiel 27:10

“Jo-Persia gi jo-Lidia gi jo-Libya ne odoko jolweny magi. Ne ging’awo kuodigi kod ogutegi mag lweny kuomi. Gin ema ne gimiyo nyingi obedo gi huma.

Rapar mar Chik 1:10

nikech Ruoth Nyasaye ma Nyasachu osemiyo unya ahinya, ma koro ung’eny mana ka sulue mae polo.

Rapar mar Chik 33:17

Dhoode nochal gi nyarwath makayo, ma tungene chalo gi tung jowi, ma obiro chwowogo ogendini, moriembgi nyaka tung piny gi tung’ piny. Tungego gin gi ji tara gi tara ma jo-Efraim, kod ji gana gi gana ma jo-Manase.”

Fweny 7:6

E dhood Asher ji alufu apar gariyo. E dhood Naftali ji alufu apar gariyo. E dhood Manase ji alufu apar gariyo.

Fweny 7:8

E dhood Zebulun ji alufu apar gariyo. E dhood Josef ji alufu apar gariyo. E dhood Benjamin ji alufu apar gariyo.