Chakruok 48:14 - MUMA MALER 2015

¹⁴ To Israel norieyo bade ma korachwich, moketo e wi Efraim wuowi matin, kendo bade ma koracham noketo e wi Manase wuowi maduong’.

Motingʼo Loko Manyien

¹⁴ To Israel norieyo bade ma korachwich moketo ewi Efraim wuowi ma chogo, kendo bade ma koracham ewi Manase kata obedo ni en ema ne en wuowi maduongʼ.

Chakruok 48:14 ပူးပေါင်းရင်းမြစ်များ

Chakruok 41:51

Josef nowacho niya, “Nyasaye osemiyo wiya owil gi chandruokna duto.” Omiyo nochako wuode makayo ni Manase (tiende ni wich wil).

Chakruok 41:52

Nowacho bende niya, “Nyasaye osemiya nyithindo e piny ma nachandorae.” Omiyo nochako wuode mar ariyo ni Efraim, (tiende ni, omiya nyithindo).

Chakruok 46:20

To Asenath nyar Potifera jadolo mar On nonywolo ni Josef Manase gi Efraim e piny Misri.

Chakruok 48:13

Josef nomako lwet nyithindo ariyogo. Noketo Efraim e bade korachwich, mondo odhi obed e bad Israel koracham; to Manase noketo e bade ma koracham mondo odhi obed e bad Israel korachwich. Eka noterogi ir Israel.

Chakruok 48:17

Ka ne Josef oneno ni wuon mare oketo lwete ma korachwich e wi Efraim, nokecho. Omiyo nogolo lwet wuon mare e wi Efraim, moketo e wi Manase

Chakruok 48:18

kowacho ni wuon niya, “Mano ok ber wuora, nimar jali ema duong’. Kuom mano, en ema onego iket lweti ma korachwich e wiye.”

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Zaburi 118:16

Chutho, tekone e lweny osemiyo walocho.

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Kwan 2:18

Dhoudi ma nobed yo podho chieng’ e magi: Jo-Efraim nobed e bwo bandechgi, kochan e ogendgi mag lweny. Jatendgi en Elshama wuod Amihud.

Kwan 8:10

Ka isekelo jo-Lawi e nyim Ruoth Nyasaye, to inimi jo-Israel ket lwetgi e wigi.

Kwan 8:18

to koro asekawo jo-Lawi kargi.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 19:13

Jomoko nokelo ni Yesu nyithindo mondo oket lwete kuomgi, kendo olemnigi, to jopuonjre nokwerogi.

Mathayo 19:15

Eka noketo lwete kuomgi, mi bang’e owuok odhi.

Mathayo 6:5

“Ka ulemo, to kik ubed ka joma wuondore ni ohero Nyasaye, nikech gin gihero lemo ka gichung’ e ut lemo, kendo e akek yore, mondo ji onegi. Adier awachonu ni giseyudo pokgi.

Luka 13:13

Eka noketo lwete kuom dhakono, mi gikanyono dhakono norioere tir modendo Nyasaye.

Luka 4:40

Kane chieng’ podho, ji duto mane nigi joma tuo tuoche mopogore opogore nokelo ir Yesu, mi Yesu noketo lwete kuom moro ka moro, mochangogi duto.

Tich Joote 13:3

Eka ne gimedo lemo, kendo gitueyo chiemo, bang’e ne giyieyo lwetgi kuom Barnaba gi Saulo, mi giweyogi gidhi.

Tich Joote 6:6

Ne gikelo jogi e nyim joote, mi joote nolemonigi, kendo oyieyo luetgi kuomgi.

Rapar mar Chik 34:9

Joshua wuod Nun nomi rieko mathoth, nikech Musa noseyieyo lwete kuome, mi jo-Israel nowinje, motimo gik mane Ruoth Nyasaye ochiko Musa.

1 Timotheo 4:14

Kik ijwang’ mich mar Roho mane iyudo kane okor wach kuomi e kinde mane jodongo oyieyoe luetgi kuomi.

1 Timotheo 5:22

Kik irikni yieyo lwedo kuom ng’ato kikete e tich telo, nikech dipo ka iriwori kode e richone moro, to ritri ibed maler.