Chakruok 48:12 - MUMA MALER 2015

¹² Eka Josef nogolo nyithindogo e chong Israel, kendo nogoyo chonge piny, mokulore nyaka e lowo.

Motingʼo Loko Manyien

¹² Eka Josef nogolo nyithindogo e chong Israel kendo nokulore nyaka e lowo.

Chakruok 48:12 ပူးပေါင်းရင်းမြစ်များ

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 19:1

Malaika ariyogo nochopo Sodom kar ang’ich welo, moyudo ka Lut obet e dhoranga dalano. Kane onenogi, nodhi mondo oromnigi, mi nogoyo chonge piny e nyimgi, mokulore nyaka e lowo.

Chakruok 23:7

To Ibrahim nochung’ mokulore e nyimgi,

Chakruok 33:3

Eka Jakobo notelo nyimgi, mogoyo chonge piny kokulore nyaka e lowo dibiriyo, kodhi nyime nyaka noromo gi owadgi.

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

Chakruok 48:11

Eka Israel nowacho ni Josef niya, “Ne ok apar ni naneni kendo, to koro Nyasaye osemiyo aneno koda ka nyithindi.”

Chakruok 48:13

Josef nomako lwet nyithindo ariyogo. Noketo Efraim e bade korachwich, mondo odhi obed e bad Israel koracham; to Manase noketo e bade ma koracham mondo odhi obed e bad Israel korachwich. Eka noterogi ir Israel.

1 Ruodhi 2:19

Omiyo Bathsheba nodhi ir ruoth Solomon mondo okwaye gima Adonija dwaro. Ruoth nochung’ ka dhi romo ni min, mokulorene. Eka nobet e kom duong’ne, kendo nochiko jotich mondo okel kom ni min mare, mondo obed e bade korachwich.

2 Ruodhi 4:37

Dhakono nodonjo, mogoyo chonge piny e tiende, kokulo wiye piny. Eka nokawo wuode, mowuok.

Wuok 20:12

“Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Wuok 34:8

Musa nokulore piny piyopiyo, molemo.

Ngeche 31:28

Nyithinde goyone erokamano. Chwore bende pake, ka wacho niya,

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Tim jo-Lawi 19:32

“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.

Jo-Efeso 6:1

Un nyithindo, winjuru wach jonywolu, nikech timo kamano en gima kare kuom Ruoth.