Chakruok 48:11 - MUMA MALER 2015

¹¹ Eka Israel nowacho ni Josef niya, “Ne ok apar ni naneni kendo, to koro Nyasaye osemiyo aneno koda ka nyithindi.”

Motingʼo Loko Manyien

¹¹ Israel mowachone Josef niya, “Ne ok apar mar neno wangʼi kendo to koro Nyasaye oseyiena maneno nyaka nyithindi bende.”

Chakruok 48:11 ပူးပေါင်းရင်းမြစ်များ

Chakruok 37:33

Jakobo nong’eyo lawno, mowacho niya, “Ee, en law Josef nyaka bed ni ondiek osenege, mokidhe matindotindo!”

Chakruok 37:35

Yawuote gi nyige duto notemo hoyo chunye, to nodagi hore. Nowacho niya, “Abiro ywago wuoda nyaka atho alu bang’e.” Kamano e kaka Jakobo noywago Josef wuode.

Chakruok 42:36

Jakobo wuon-gi nowachonigi niya, “Usemaya nyithinda! Josef nolal, kendo Simeon bende koro oselal, to koro eka pod udwaro kawo Benjamin! To an ema ayudo chandruok!”

Chakruok 45:26

Ne giwachone niya, “Josef pod ngima! En e morito piny Misri duto!” Jakobo nobwok ahinya, kendo ne ok oyie ni wachgino en adier.

Chakruok 48:10

Israel koro noseti ahinya, ma wang’e oyuso ma ok onyal neno. Josef nokelo nyithinde ire, mi nokwakogi kendo onyodhogi.

Chakruok 48:12

Eka Josef nogolo nyithindogo e chong Israel, kendo nogoyo chonge piny, mokulore nyaka e lowo.

Zaburi 128:6

Onego idag aming’a, mondo ine nyikwayi. Israel mondo obed gi kue!

Ngeche 17:6

Jodongo mor gi nyikwagi, mana kaka yawuowi mor gi wuonegi.

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.