Chakruok 47:26 - MUMA MALER 2015

²⁶ Kuom mano, Josef noketo chik ni achiel kuom abich mag chamb Misri nyaka bed mag Farao. Chikni pod dhi nyime nyaka chil kawuono. Puothe jodolo kende ema ne ok Farao okawo.

Motingʼo Loko Manyien

²⁶ Kuom mano Josef nokete kaka chik e piny Misri nyaka chil kawuono, ni achiel kuom abich mar cham nyaka bed mar Farao. Puothe jodolo kende ema ne ok Farao okawo.

Chakruok 47:26 ပူးပေါင်းရင်းမြစ်များ

Chakruok 14:20

Wapako Nyasaye maduong’ moloyo, mosechiwo wasiki e lweti.” Eka Abram nomiyo Melkizedek achiel kuom apar mag gik moko duto ma noyako.

Chakruok 28:22

kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”

Chakruok 41:34

Bende nyaka iket jotelo moko e piny, mondo okanni achiel kuom abich mar chamb Misri duto. Ginitim kamano kuom higni abiriyo ma piny biro yieng’ie.

Chakruok 47:22

Puothe jodolo kende ema ne ok ong’iewo, nimar jodolo ne nigi pokgi ma gikonyorego maa kuom Farao. Omiyo onge gima nochuno jodolo mondo ong’iew puothegi.

Chakruok 47:25

Ne gidwoke niya, “Ruoth, isekonyowa, omiyo kineno ni mano ber, to wabiro bedo wasumb Farao.”

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Ezekiel 7:24

Omiyo abiro kelo ogendini marichoe moloyo mondo okaw miechu. Abiro tieko sunga jou marateke, mi ami ogendini keth kuondeu mag lemo.

Tim jo-Lawi 27:30

“Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne.

Kwan 18:21

“Jo-Lawi to amiyo achiel kuom apar mag gik moko duto obed pokgi kuom tich rito Hemb Romo.

Rapar mar Chik 14:22

“Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol.

Rapar mar Chik 26:12

“Ka usetieko choko achiel kuom apar mag gik monyak e higa mar adek, ma en higa michiwoe achiel kuom apar mar gik manyak, to nyaka uchiw gigo ni jo-Lawi gi jopinje mamoko modak kuomu, kaachiel gi nyithindo ma kiye kod mond liete, mondo gibed gi chiemo moromogi e miechu.