Chakruok 47:24 - MUMA MALER 2015

²⁴ To e kinde mag keyo, nyaka umi Farao achiel kuom abich mag cham. To mago modong’ ema nobednu kodhi, kod cham munyalo chamo gi joodu kod nyithindu.”

Motingʼo Loko Manyien

²⁴ To e ndalo mag keyo, nyaka umi Farao achiel kuom abich. To angʼwen ewi abich modongʼ unyalo kano kaka kodhi kendo kaka chiembu gi nyithindu kod joodu duto.”

Chakruok 47:24 ပူးပေါင်းရင်းမြစ်များ

Chakruok 14:20

Wapako Nyasaye maduong’ moloyo, mosechiwo wasiki e lweti.” Eka Abram nomiyo Melkizedek achiel kuom apar mag gik moko duto ma noyako.

Chakruok 14:21

Ruodh Sodom nowacho ni Abram niya, “Duogna joga kende, to idong’ gi gik moko duto mane iseyako.”

Chakruok 28:22

kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”

Chakruok 41:34

Bende nyaka iket jotelo moko e piny, mondo okanni achiel kuom abich mar chamb Misri duto. Ginitim kamano kuom higni abiriyo ma piny biro yieng’ie.

Chakruok 47:23

Josef nowacho ni jo-Misri niya, “Winjuru! Kawuononi aseng’iewou ni Farao, kaachiel gi puotheu bende. Kodhi eriuru, mondo ukom e puotheu.

Chakruok 47:25

Ne gidwoke niya, “Ruoth, isekonyowa, omiyo kineno ni mano ber, to wabiro bedo wasumb Farao.”

Zaburi 112:5

Ng’at makonyo ji gi chuny maler, kendo matiyo tijene e yo modimbore, en jahawi!

Zaburi 41:1

Ng’at ma konyo joma odhier en jahawi. Ruoth Nyasaye norese ka en e thagruok.

Tim jo-Lawi 27:30

“Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne.

Tim jo-Lawi 27:32

Bende chiayo mar apar ka chiayo mar apar mokalo e bwo ludh jakwath kokwanogi, nobed mowal ni Ruoth Nyasaye, bed ni gin dhok kata rombe.

Kwan 18:21

“Jo-Lawi to amiyo achiel kuom apar mag gik moko duto obed pokgi kuom tich rito Hemb Romo.

Rapar mar Chik 14:22

“Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol.

Rapar mar Chik 26:12

“Ka usetieko choko achiel kuom apar mag gik monyak e higa mar adek, ma en higa michiwoe achiel kuom apar mar gik manyak, to nyaka uchiw gigo ni jo-Lawi gi jopinje mamoko modak kuomu, kaachiel gi nyithindo ma kiye kod mond liete, mondo gibed gi chiemo moromogi e miechu.