Chakruok 47:22 - MUMA MALER 2015

²² Puothe jodolo kende ema ne ok ong’iewo, nimar jodolo ne nigi pokgi ma gikonyorego maa kuom Farao. Omiyo onge gima nochuno jodolo mondo ong’iew puothegi.

Motingʼo Loko Manyien

²² To kata kamano ne ok ongʼiewo puothe jodolo nikech negiyudo pokgi mapile pile koa kuom Farao kendo ne gin gi chiemo moromogi kuom pok mane Farao miyogi. Mano ema omiyo jodolo ne ok ouso puothegi.

Chakruok 47:22 ပူးပေါင်းရင်းမြစ်များ

Chakruok 14:18

To Melkizedek mane ruodh Salem kendo jadolo mar Nyasaye Maduong’ Moloyo nokeloni Abram chiemo gi divai kendo noguedhe,

Chakruok 41:45

Nochako Josef ni Zefenath-panea. Nonywomone nyako ma nyinge Asenath nyar Potifera, jadolo mar dala On. Kamano Josef nobedo gi teko e piny Misri duto.

Chakruok 41:50

Kane pok higni mag kech obiro, Josef nosenywolo yawuowi ariyo gi Asenath nyar Potifera, jadolo mar On.

Chakruok 47:21

Josef noloko jo-Misri wasumbini, chakre bath Misri konchiel nyaka komachielo.

Chakruok 47:23

Josef nowacho ni jo-Misri niya, “Winjuru! Kawuononi aseng’iewou ni Farao, kaachiel gi puotheu bende. Kodhi eriuru, mondo ukom e puotheu.

Chakruok 47:26

Kuom mano, Josef noketo chik ni achiel kuom abich mag chamb Misri nyaka bed mag Farao. Chikni pod dhi nyime nyaka chil kawuono. Puothe jodolo kende ema ne ok Farao okawo.

2 Samuel 8:18

Benaya wuod Jehoyada ne jatend jo-Kereth kod jo-Peleth. Yawuot Daudi bende ne jodolo.

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Nehemia 13:10

Nafwenyo bende ni jo-Lawi koro ne ok mi pokgi, omiyo gin, kaachiel gi jower, mane tiyo tich lemo mopogore opogore, ne gisedhi e puothegi.

Mathayo 10:10

Bende kik uting’ mifuke mag wuoth kata sede ariyo, kata wuoche, kata luth, nikech jatich owinjore gi chiembe.

1 Jo-Korintho 9:13

Donge ung’eyo ni joma tiyo tich Hekalu chamo gik mochiw e Hekalu, kendo ni joma tiyo e kendo-mar-misango bende nwang’o pokgi kuom gik motimgo misango?

Jo-Galatia 6:6

Ber mondo ng’at ma ipuonjo wach Kristo okony japuonjne, kopogone gik mabeyo duto ma en-go.

Rapar mar Chik 12:19

Ndalo duto ma un e piny nyaka une ni ok ujwang’o jo-Lawi.

2 Jo-Thesalonika 3:10

Adier, kane wan kodu to ne wamiyou chik ni ka ng’ato ok dwar mondo oti, to kik ochiem.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.