Chakruok 47:11 - MUMA MALER 2015

¹¹ Bang’e Josef nomiyo wuon mare gi owetene puothe kuonde mabeyo e Misri e gweng’ Rameses, kaka Farao nochiko.

Motingʼo Loko Manyien

¹¹ Kuom mano Josef nomiyo wuon-gi kod owetene kuonde mabeyo e piny Misri e gwengʼ mar Rameses mana kaka Farao nochike.

Chakruok 47:11 ပူးပေါင်းရင်းမြစ်များ

Chakruok 46:34

to nyaka uwachne ni, chakre tindou, usebedo jokwath mana kaka kwereu. Kuwacho kamano, to unuyud thuolo mar dak e piny Goshen ka, nikech jo-Misri ok ohero jokwath.”

Chakruok 47:27

Jo-Israel nodak Misri e piny Goshen. Ne giyudo lowo, mi gimew, kendo ne ginya ahinya.

Chakruok 47:6

piny Misri duto ni e lweti. Ketgi gidag kama berie moloyo. Ginyalo dak e piny Goshen, kendo king’eyo ni jomoko kuomgi gin jokwath molony, to ketgi mondo girit jamba.”

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 12:37

Jo-Israel nochako wuoth Rameses kochomo Sukoth. Ne gin ji alufu mia auchiel ka ok okwan mon gi nyithindo.

Isaya 22:24

Kuome ema joodgi duto te, koda ka modhier, nobed kayudoe konyruok, mana kaka gik mang’eny mopogore opogore liero kong’aw e musmal.

Kwan 33:3

Jo-Israel noa Ramases chieng’ due apar gabich mar due mokwongo, ma en chieng’ maluwo chieng’ Pasaka. Ne giwuok ka jo-Misri nenogi, to ne ok gidewo.

Johana 10:10

Jakuo biro mana ni mondo okwel, kendo oneki, kendo oketh gik moko. Anto asebiro ni mondo ji oyud ngima kendo obed ngima moromo chuth.

Johana 10:28

Amiyogi ngima ma nyaka chieng’, kendo ok ginilal ngang’, bende onge ng’at manyalo gologi e lweta.

Johana 14:2

E dala Wuora nitie udi mang’eny, to ka da ni ok kamano, to dikoro asenyisou, to adhi mondo alosnu kar dak.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 17:2

Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.