Chakruok 45:5 - MUMA MALER 2015

⁵ To kik uluor, kata kik une marach ni ne ung’iewa ku, nikech Nyasaye ema noora motelonu mondo ares ngimau.

Motingʼo Loko Manyien

⁵ To koro, kik chunyu chandre kendo kik ucharu nine uusa ka nikech Nyasaye noora motelonu mondo ares ngimau.”

Chakruok 45:5 ပူးပေါင်းရင်းမြစ်များ

Chakruok 37:28

omiyo kane jo-ohala ma jo-Midian kadho kanyo, ne gigolo Josef oko e bugo. Eka ne ging’iewe gi jo-Ishmaelgo kuom fedha piero ariyo, mi jogo notere Misri.

Chakruok 47:25

Ne gidwoke niya, “Ruoth, isekonyowa, omiyo kineno ni mano ber, to wabiro bedo wasumb Farao.”

Chakruok 50:19

Josef to nowachonigi niya, “Kik uluor, an ok anyal kawo kar Nyasaye.

Chakruok 50:20

Ne undhoga mondo utimna gima rach, to Nyasaye noloke gima ber, mondo ores ji mang’eny, ma koro ngima mana nikech wachno.

Chakruok 50:21

Omiyo kik uluor. Abiro ritou uduto kod jouteu.” Kamano e kaka nokueyo chunygi gi weche mamit.

2 Samuel 12:12

Gima nitimo, nitimo ling’ling’, an to anatim gini e nyim jo-Isarel duto, odiechieng’ alanga.’ ”

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

2 Jo-Korintho 2:11

mondo Satan kik lowa, nikech wang’eyo riekone!

2 Jo-Korintho 2:7

omiyo koro onego uwene kethone, kendo uduog chunye, nono to kuyo malit ohewe.

Filemon 1:15

Kamoro nyalo bet ni Onesimo nowuok kuomi kuom ndalo manok, mondo chieng’ moro oduog iri ubed kode nyaka chieng’.

1 Samuel 1:19

Ne gichiew gokinyi mang’ich, kendo kane giselemo e nyim Ruoth Nyasaye, ne gidok dalagi Rama. Elkana noriwore gi chiege ma Hana, mi Ruoth Nyasaye noparo Hana.