Chakruok 45:22 - MUMA MALER 2015

²² Bende nomiyogi lewni mabeyo, to Benjamin nomiyo fedha mia adek kod lewni abich mabeyo.

Motingʼo Loko Manyien

²² Nomiyo moro ka moro kuomgi law manyien to Benjamin nomiyo fedha mapekgi oromo kilo mia adek kod lewni mopogore opogore abich.

Chakruok 45:22 ပူးပေါင်းရင်းမြစ်များ

Chakruok 43:34

Josef nopogonigi chiemo moa e mesane, to Benjamin nopogne nyadibich moloyo owetene mamoko. Kamano ne gichiemo, kendo gimetho kode nyaka ne gibet mamor giduto.

Chakruok 45:23

To bende nooro ni wuon mare gik mabeyoe moloyo ma kenje apar oting’o, kod cham gi makati, kaachiel gi chiemo moko ma bende kenje apar mamoko oting’o, ma wuon ne dhi chamo e wuoth.

2 Ruodhi 5:5

Ruodh Aram nowachone niya, “Kara dhiyo, abiro ori ir ruodh Israel gi barua.” Naaman nodhi gi fedha moromo kilo mia adek, gi dhahabu moromo kilo apar, kod lewni mabeyo apar.

Fweny 6:11

Eka ne omigi law marachar ng’ato ka ng’ato, kendo ne owachnigi ni mondo gimed yueyo mondi matin nyaka chop kar romb jotich wetegi kod owetegi mane ibiro nego kaka gin, rom.

Jong’ad Bura 14:12

Samson nowachonigi niya, “We agonue ngero moro. Ka unyalo hulo tiende ka pok ndalo abiriyo mag nyasi orumo, to namiu kandhe piero adek, gi nengni mabeyo bende piero adek.

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.