Chakruok 45:21 - MUMA MALER 2015

²¹ Yawuot Israel notimo kaka nowachnigi, kendo Josef nomiyogi geche kaka Farao nosechiko, kaachiel gi chiemo moromogi chamo e wuodhgi.

Motingʼo Loko Manyien

²¹ Omiyo yawuot Israel notimo kamano. Josef nomiyogi geche miywayo gi punde, mana kaka Farao nowachone kendo en bende nomiyogi gik mane ginyalo konyore godo e yo.

Chakruok 45:21 ပူးပေါင်းရင်းမြစ်များ

Chakruok 45:19

Bende nyisgi gikaw geche mag Misri, mondo giting’go mondgi kod nyithindgi kendo gikaw wuon-gi mondo gibigo.

Chakruok 45:20

Kata ka giweyo mwandugi kuno, to kik gidew, nimar abiro miyogi lowo maber moloyo e Misri.”

Chakruok 45:27

To kane ginyise weche duto mane Josef osewachonigi, kendo ka noneno geche mane Josef oseoro mondo otere Misri, chunye noduogo.

Chakruok 46:5

Kuom mano Jakobo noa Beer-sheba. Yawuot Israel noketo Jakobo wuon-gi kaachiel gi nyithindgi kod mondgi e geche mane Farao oseoro mondo oting’gi.

2 Weche mag Ndalo 35:16

Kamano tich Ruoth Nyasaye duto mar Pasaka kod mar timo misengni miwang’o pep e kendo-mar-misango mar Ruoth Nyasaye notim chieng’ono, kaka ruoth Josia nochiko.

2 Weche mag Ndalo 8:13

Odiechieng’ kodiechieng’ notimo misengni koluwo chik Musa. Notimogi chieng’ ma due opor, kendo e ndalo sewni adek mag higa, ma gin Sap Makati ma ok ketie Thowi, gi Sap Jumbe, kod Sap Kiche.

Wuok 17:1

Oganda duto mar jo-Israel nowuok e thim Sin, mi giwuotho matintin kaka Ruoth Nyasaye ne chikogi. Ne gibworo Refidim, to pi modho ne onge kuno.

Eklesiastes 8:2

Nyaka itim gima jatelo owacho, kendo kik irikni kisingore ni ibiro chiwo ni Nyasaye gimoro.

Ywagruok 1:18

Dala Jerusalem ywagore kama: “Ruoth Nyasaye osetimo gima kare, to an, dala Jerusalem ema asepiem kode, mi aweyo chikene. Ling’uru! Ling’uru un ogendini duto, mondo uneye chandruok ma an go! Nyiga gi yawuota osemak, moter e tuech.

Ezekiel 23:24

Gibiro monji gi yo nyandwat ka gin gi oganda lweny maduong’ kod geche lweny gi geche mamoko. Gin gi kuodi gi okumbni kod ogut lweny, kendo gibiro lwori mi giketi diere. Abiro chiwi e lwetgi, kendo gining’adni bura, kaluwore gi chikgi giwegi.

Kwan 3:16

Omiyo Musa nondiko nyinggi kaka Ruoth Nyasaye nochike,