Chakruok 45:1 - MUMA MALER 2015

¹ Josef koro ne ok nyal geng’o mirima mane en go e nyim joma ne pogogi chiemo, omiyo nokok niya, “Ng’ato ka ng’ato mondo owuogi.” Kamano koro ne onge ng’at moro machielo e sa mane ohuloree ni owetene.

Motingʼo Loko Manyien

¹ Josef ne ok nyal gengʼo mirima mane en-go e nyim joma ne tiyone. Kendo noywak matek niya, “Goluru ngʼato angʼata oko e nyima!” Kuom mano ne onge ngʼato angʼata mane nigi Josef kane ohulore ne owetene.

Chakruok 45:1 ပူးပေါင်းရင်းမြစ်များ

Chakruok 42:24

Josef noa irgi, moywak ahinya. Kane mirimbe orumo, noduogo irgi, mokawo Simeon, otueyo e nyimgi.

Chakruok 44:34

Ere kaka dadog ir wuora nono, ka aonge kode? Ok danyal neno masira ma doyudno.”

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

2 Samuel 13:9

Eka nokawo nyalaro, motokoe e nyime, to Amnon nodagi chiemo. Nogolo chik ni mondo ji duto owuog oko, mi ne giwuok.

Isaya 42:14

An Ruoth Nyasaye, aseling’ kuom ndalo mang’eny, ka abedo gi kue, kendo ka aterora mos, to koro abiro ywak ka dhako ma muoch kayo, ka aomo chunya, kendo agamo yueyo.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 18:15

“Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu.

Tich Joote 10:41

Ji duto ne ok onene, to mak mana wan mane Nyasaye oyiero. Wan ne wachiemo kendo wametho kode kane osechier oa kuom joma otho.

Tich Joote 7:13

To kane gidok mar ariyo, Josef nohulorenigi ni en owadgi, kendo Farao koro nong’eyo joodgi Josef.

1 Jo-Korintho 13:5

Hera ok tim gima kuodo wich, ok odwar mare kende, iye ok wang’, bende ok omak sadha.