Chakruok 43:9 - MUMA MALER 2015

⁹ Asingora ni nobed wachna ka ok adwokonigo ka ongima, kendo anabed jaketho e nyimi nyaka chop thona.

Motingʼo Loko Manyien

⁹ An awuon asingora ni abiro rite kendo en e lweta. Ka ok aduoge iri ka, to ikwana kaka jaketho e ndalo duto mag ngimana.

Chakruok 43:9 ပူးပေါင်းရင်းမြစ်များ

Chakruok 31:39

Kane ondiek onego romboni moro, ne ok adewo keloni ringe ma dinyisi gima osetimore, to nachulo achula. Ne iketo chik ni nyaka achul chiayo moro amora mokwal, bed ni okwale godiechieng’ kata gotieno.

Chakruok 42:37

Reuben nowacho ni wuon mare niya, “Inyalo nego yawuota ariyogo ka ok aduokoni Benjamin. Kete e lweta, kendo abiro dwokonigo.”

Chakruok 43:10

Ka dabed ni ok waseketho kindegi duto, di koro wasechopo kuno, kendo duogo nyadiriyo.”

Chakruok 9:5

Ka remb dhano ochuer, to nachul kuor, bed le, kata dhano wadgi, ema onege.”

2 Samuel 14:9

To dhakono nomedo wachone niya, “Yaye, ruoth! Ketho mondo obed kuoma, kendo kuom joodwa, to in kod lochni ibed ma onge ketho.”

1 Ruodhi 1:21

Ka ok itimo kamano, to wan gi Solomon wuoda wanane masira kisetho.”

Ayub 17:3

A Nyasaye, awacho adiera, omiyo yie wachna, nimar onge ng’at machielo ma nyalo yie gima awacho.

Zaburi 119:122

Singrina ni inikonya, an jatichni, kendo kik iwe josunga thaga.

Ezekiel 3:18

Ka awachoni ni ng’at ma timbene mono biro tho, mi ok isieme mondo owe yorene marichogo, obed mangima, to enotho ka pod en jaricho, kendo in ema anakwani ka ng’ama onege.

Ezekiel 3:20

“Ka ng’at makare odonjo e richo, mi akelone masira, to enotho. Adier, enotho nikech richone, nimar ok isesieme. Ok napar timbene makare mosebedo kotimo, to in ema nakwani ka ng’ama onege.

Ezekiel 33:6

“To ka jarito oneno wasigu ka biro, to ok ogoyo koko mondo ji otang’, mi wasigu obiro, monego ng’ato, to ng’atno notho kapod en jaricho, to anakwan jaritono ka e ng’at ma onego ng’atno.

Ezekiel 33:8

Ka awachoni ni ng’at marach biro tho, mi ok isieme mondo owe yorene maricho, to enotho kapod en jaricho, kendo in ema nakwani ka ng’ama onege.

Luka 11:50

Kuom mano, tieng’ ma kawuononi biro yudo kum nikech remb jonabi duto mosechuer nyaka ne chue piny,

Jo-Hibrania 7:22

Mano omiyo singruok ma Yesu osiro ber moloyo singruok machon.