Chakruok 43:7 - MUMA MALER 2015

⁷ Ne gidwoke niya, “Nopenjowa matek weche ma kuomwa kod ma kuom joodwa, kowacho niya, ‘Wuonu pod ngima? Donge un gi owadu moro?’ Omiyo nyaka ne waduok penjonego. To ne ok wang’eyo ni onyalo wachonwa mondo water owadwa ire.”

Motingʼo Loko Manyien

⁷ To negidwoke niya, “Ngʼatno nopenjowa ahinya kuomwa wawegi kendo kuom joodwa. Nopenjowa ni, ‘Bende wuonu pod ngima? Bende un gi owadu machielo?’ Ne wadwoke mana gik mane openjowa. Ere kaka dine wangʼe ni obiro wachonwa ni, ‘Dhi ukel owaduno ka’?”

Chakruok 43:7 ပူးပေါင်းရင်းမြစ်များ

Chakruok 42:11

Waduto wan yawuot ng’at achiel, kendo ok wan jombetre, to wan mana joma kare.”

Chakruok 42:13

Eka ne giwachone niya, “Ruoth, wan owete apar gariyo ma yawuot ng’at achiel e piny Kanaan. Owadwa ma chogo odong’ gi wuonwa dala, to owadwa moro nolal.”

Chakruok 43:27

Nopenjogi ngimagi, eka nopenjogi kendo niya, “To jaduong’ ma wuonu mane uwachona wachne ni nade? Donge pod ongima?”

Chakruok 43:3

To Juda nodwoke niya, “Ng’atcha nosiemowa matek ni kik wadog ire ka ok wadhi gi owadwa machogo.

Chakruok 43:6

Israel nowacho niya, “Ang’o momiyo usetimona kamano, kunyiso ng’atno ni un gi owadu moro modong?”

Chakruok 44:19

Ruoth, nene ipenjowa ka bende wan gi wuonwa kata owadwa moro,