Chakruok 43:34 - MUMA MALER 2015

³⁴ Josef nopogonigi chiemo moa e mesane, to Benjamin nopogne nyadibich moloyo owetene mamoko. Kamano ne gichiemo, kendo gimetho kode nyaka ne gibet mamor giduto.

Motingʼo Loko Manyien

³⁴ Kane omigi chiemo koa e mesa mar Josef, chiemb Benjamin ne ngʼeny moloyo mar ngʼato angʼata nyadibich. Kuom mano negichiemo kendo gimetho ka gin thuolo kode.

Chakruok 43:34 ပူးပေါင်းရင်းမြစ်များ

Chakruok 35:24

Yawuot Rahel to ne gin Josef gi Benjamin.

Chakruok 45:22

Bende nomiyogi lewni mabeyo, to Benjamin nomiyo fedha mia adek kod lewni abich mabeyo.

2 Samuel 11:8

Bang’e Daudi nowachone niya, “Dhiyo e odi mondo iyue.” Kane Uria owuok e od ruoth, ruoth noorone chiemo moa e mesane owuon.

Ngeche 31:6

Joma tho, kendo joma chunygi lit ema mondo imi kong’o,

Eklesiastes 10:19

Chiemo mabeyo miyo ng’ato bedo mamor, kendo kong’o bende miyo ng’ato winjo maber, to gigo ok yudre ka pesa onge!

Eklesiastes 9:7

Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.

Mathayo 11:19

Wuod dhano to nobiro ka chiemo kendo metho, omiyo ji duto wacho niya, ‘Neyeuru jali! En jawuoro, kendo jamer, bende en osiep josol osuru kod joricho!’ To kata kamano, awachonu ni, olemo ma rieko mar Nyasaye nyago ema nyiso ni riekone ni kare.”

Johana 2:10

“Ji mang’eny kwongo kelo divai maber, eka bang’e ka welo osemer, to gikelo divai ma ok ber. Into isekano divai maber nyaka sani!”

1 Samuel 1:5

Nohero Hana, to kata kamano nomiye mana migawo achiel, nimar Ruoth Nyasaye ne ok omiye nyathi.