Chakruok 43:18 - MUMA MALER 2015

¹⁸ Kane iterogi e ot, luoro nomakogi, nimar ne giparo niya, “Okelwa ka mana nikech pesa mane odwok e gundewa chieng mokwongo cha. Omiyo nyaka bed ni gibiro monjowa kendo lokowa wasumbini, mi gikaw kenjewa.”

Motingʼo Loko Manyien

¹⁸ To jogo ne luoro omako kane otergi e od Josef. Negiparo niya, “Osekelwa ka nikech pesa ma wayudo koduok e ogundewa, chiengʼ mane wabiro kae mokwongo. Odwaro ni mondo oichwa kendo olowa mondo mi oketwa wasumbini, bangʼe okaw pundewa.”

Chakruok 43:18 ပူးပေါင်းရင်းမြစ်များ

Chakruok 42:21

Ne giwuoyo e kindgi giwegi, ka giwacho niya, “Adier, owinjore wayud kum kuom gima ne watimo ni owadwa. Ne waneno kochandore malit, to kane waneno kochandore, ne ok wadewe, mano emomiyo koro wanie chandruok.”

Chakruok 42:27

Kane gibuoro kamoro gotienono, achiel kuomgi nogonyo ogunde, mondo omi kanje chiemo, mi nopo koyudo pesane e wi cham.

Chakruok 42:28

Nowacho ni owetene niya, “Osedwokna pesana! Eri go, en e ogunda ka.” Mi ne gibwok, kendo gibedo maluor ka gipenjore niya, “Ang’o ma Nyasaye osetimonwani?”

Chakruok 42:35

Bang’e owetego nogolo cham e ogundegi, mi ng’ato ka ng’ato noyudo ofuko mar pesane e ogunde. Kane gineno pesano, giduto ne gibwok ahinya kaachiel gi wuon-gi.

Chakruok 43:17

Notimo kaka Josef nochike, mi norwako jogo e ot.

Chakruok 43:19

Kuom mano ne gidhi ir jaduong’ od Josef e dhoot, mi giwachone niya,

Chakruok 44:8

Kane waa Kanaan, donge nineno ka wadwokoni pesa mane wayudo e wi ogundewa? Koro ere gimomiyo dwakwal fedha fedha kata dhahabu e od ruodhi?

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Ayub 30:14

Gimwomore kuoma ka gikadho kuonde ma ohingana ruomborego.

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Zaburi 73:16

Omiyo ne atemo matek mondo ang’e tiend wachno maber.

Isaya 7:2

Kane joka Daudi owinjo ni jo-Aram osewinjore gi jo Efraim, ne gitetni kaachiel gi Ahaz ma ruodhgi, mana ka yien manie bungu ma yamo uko.

Daniel 6:4

Mano nomiyo jotelo mamoko kod jodongo otemo mondo ondhog Daniel e tichne mar rito piny. To ne ok ginyal yudo gimoro amora marach e tichne, nikech ne ne jaratiro maonge miganga.

Mariko 6:16

Herode to kane owinjo gik ma Yesu timo, nowacho niya, “En Johana Jabatiso! Ne ang’ado wiye oko, to kara osechier.”

Jo-Rumi 7:8

Chikno nomiyo richo thuolo, mi okelo gombo duto mopogore opogore e chunya. Ka da onge Chik, to richo dobedo gima otho.

Rapar mar Chik 22:14

mi ohangone wach kendo oketho nyinge, kowacho ni nokawe to ok oyude gi ringre,

Rapar mar Chik 22:17

omiyo osehangone wach, kendo oketho nyinge kowacho ni ne ok oyude gi ringre. To kata kamano ma e gima nyiso ni nyara ne nigi ringre.’ Bang’ mano, noyar law mane oywego ringre nyakono e nyim jodong dala.

Jong’ad Bura 13:22

omiyo nowacho ni chiege niya, “Wabiro tho, nikech waseneno Nyasaye.”

Jong’ad Bura 14:4

Jonywolne ne ok ong’eyo ni Ruoth Nyasaye ema ne dwaro ni mondo gima kama otimre mondo oyudgo yo mokelogo ni jo-Filistia masira. E ndalogo jo-Israel ne ni e bwo loch jo-Filistia.