Chakruok 43:11 - MUMA MALER 2015

¹¹ Israel wuon-gi nowachonigi niya, “Ka ochuno ni nyaka bed mana kamano, to ara timuru. To kawuru gik moko mabeyo mag pinyni, machalo dwogo gi mor kich gi gik mang’ue ng’ar, gi manemane, kod olembe moko, mondo uting’ e ogundeu, uter ni ng’atno kaka chiwo.

Motingʼo Loko Manyien

¹¹ Eka Israel wuon-gi nowachonegi niya, “Ka en ni nyaka obed kamano, to timuru kama. Keturu gik moko mabeyo mag pinyni e ogundeu kendo utergi ne ngʼatno kaka mich; ma gin yiende moko, gi mor kich gi gik mangʼwe ngʼar gi mane-mane kod oyungu.

Chakruok 43:11 ပူးပေါင်းရင်းမြစ်များ

Chakruok 33:10

Jakobo nowachone niya, “Ooyo; ka iseng’wonona, to yie ikaw mich ma achiwogo. Kaka iserwaka gi ng’wono, biro e nyimi chalna mana gi biro e nyim Nyasaye.

Chakruok 37:25

Eka ne gibet piny mondo gichiem, to kane gichiemo, ne gipo ka gineno oganda mar jo-Ishmael koa Gilead dhi Misri, Ne gin gi ngamia moting’o gik mang’ue ng’ar gi manemane kod yien moko.

Chakruok 43:10

Ka dabed ni ok waseketho kindegi duto, di koro wasechopo kuno, kendo duogo nyadiriyo.”

Chakruok 43:14

Nyasaye Manyalo Gik Moko Duto mondo omi chuny ng’atno obed maler kodu, mi odwoknu owadu mane uweyo kuno, kaachiel gi Benjamin bende. To ka ochunore ni nyithinda nyaka tho, to kara ginitho!”

Chakruok 43:15

Kamano ne gikawo pesa moromo rundo diriyo, kaachiel gi chiwo, mi ne gidok Misri ir Josef, ka gidhi gi Benjamin.

Chakruok 43:25

Ne gigolo chiwo mane gikelo, mi giritogo biro Josef sa auchiel, nimar ne giwinjo ni gibiro chiemo kode.

Chakruok 43:26

Kane Josef oduogo e ode, ne gimiye chiwo mane gisekelonego, kendo ne gikulore piny e nyime.

1 Ruodhi 10:15

ka ok okwano mago mane wuok e osuch joohala, kendo kuom ruodhi duto mag piny Arabia, kendo kuom jorit piny.

1 Ruodhi 10:25

Higa ka higa, ng’ato ka ng’ato ne kelone chiwo mag gik molos gi fedha gi dhahabu, kaachiel gi lewni, kod gilwenje, gi gik mang’we ng’ar, gi farese kod nyumbu.

1 Ruodhi 15:19

“Winjruok mondo obed e kindwa kodi, kaka winjruok mane nie kind wuora gi wuoru. Ero aoroni chiwo mar fedha gi dhahabu; yie iketh winjruok manie kindu gi Baasha ruodh Israel, mondo owe kedo koda.”

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

2 Ruodhi 16:8

Bende Ahaz nokawo fedha gi dhahabu mane nie Od Ruoth Nyasaye kod kar keno mar od ruoth, mooro ni ruodh Asuria kaka chiwo.

2 Ruodhi 20:12

E ndalogo Merodak-baladan nooro joote ir Hezekia gi barupe kod mich, nikech nowinjo ni yande otuo.

2 Ruodhi 8:8

Nowacho ni Hazael niya, “Kaw mich, idhi irom godo ni ng’at Nyasaye, kendo ikwaye mondo openj Ruoth Nyasaye ka abiro kwo.”

Zaburi 68:29

e Hekalu mari man Jerusalem, kama ruodhi kelonie chiwo.

Zaburi 72:10

Ruodhi mag Spania kod mag pinje manie dier nam nogolne osuru, kendo ruodhi mag Arabu gi mag Ethiopia bende nokelne mich.

Zaburi 76:11

Miuru Ruoth Nyasaye ma Nyasachu gima ne usingoru ni unumiye, kendo un ogendini duto modak machiegni, keluru mich ni ng’ama ji duto oluoro.

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Ngeche 17:18

Ng’at maonge gi paro kende ema nyalo singore ni dichul gop wadgi.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Ngeche 19:6

Ng’ato ka ng’ato temo mondo joma dongo ohere, kendo ng’ato ka ng’ato wacho ni en osiep ng’ama bade lach.

Ngeche 21:14

Mich mochiw ling’ling’ ni ng’at mokecho, kueyo mirimbe.

Wer Mamit 4:10

Yaye chiega, herani mit moloyo divai, kendo mo miwirorigo dum mamit moloyo modhi duto.

Wer Mamit 4:14

Gin gik mopogore opogore, ma moko mit chamo, to moko ng’ue ng’ar.

Wer Mamit 8:14

“Reti, ibi ira jaherana, mondo ibed e gode mang’ue ng’ar, mana ka gima in apol, kata ngau ma pod dongo modak e gode.”

Jeremia 8:22

Yath tinde orumo e piny Gilead koso? Jathieth onge kuno adier? Ere gima omiyo pok othiedh joga?

Ezekiel 27:15

Jo-Rodo noloko kod ohala, kendo ji moa e pinje mang’eny manie dhonam nomiyi lak liech kod bepe mabeyo maratenge kaka chudo kuom gigi.

Ezekiel 27:17

Jo-Juda gi jo-Israel to ne ng’iewo gik mane in go, ka chuli ngano gi mor kich gi mor zeituni kod gik mamilimili.

Ezekiel 27:22

Jolok ohala mag Sheba kod Rama to ne jong’iewo gik mane in go, ka gimiyi gik mamilimili mabeyoe moloyo, kod kite mopogore opogore ma nengogi tek kod dhahabu.

Tim jo-Lawi 20:24

Ne gitimo gik marichogo duto, mi asin kodgi, omiyo nawachonu ni abiro miyou pinygi maber kendo momewno mondo ukaw. An e Ruoth Nyasaye ma Nyasachu mosepogou gi ogendini mamoko,

Tich Joote 21:14

To kaka ne ok wanyal loko chunye, ne waweye, ka wawacho ni, “Gima Ruoth dwaro ema mondo otimre.”

Rapar mar Chik 33:14

gi olembe mabeyo ma chieng’ onyago, kod olembe mabeyo manyak due ka due,

1 Samuel 25:27

To michni eri ma asekeloni, mondo imi joma in go.

1 Samuel 9:7

Saulo nopenje niya, “Ka wadhi to ere gima dang’ water ni ng’at Nyasayeno, nimar chiemo mane wating’o koro oserumo, kendo waonge gi mich ma wanyalo terone? Koso wan gang’o?”