Chakruok 42:9 - MUMA MALER 2015

⁹ Noparo lek mane oseleko kuomgi, mowachonigi niya, “Un jombetre, kendo usebiro ka mondo ucheng ane kama pinywa nyapgo.”

Motingʼo Loko Manyien

⁹ Eka noparo lek mane oleko kuomgi kendo nowachonegi niya, “Un okwach kich! Kendo usebiro mondo une-ane kama pinywa nyapgodo.”

Chakruok 42:9 ပူးပေါင်းရင်းမြစ်များ

Chakruok 37:11

Nyiego nomako owete Josef kode, to wuon mare nosiko kaparo wachno.

Chakruok 42:16

Omiyo oruru ng’at achiel kuomu mondo odhi oome. To joma odong’ ibiro ket e od twech nyaka chop wane ane ka gima uwacho en adier. Ka ok en adier, to gi nying Farao, kara un jombetre!”

Chakruok 42:34

kendo okelona owadu machogono. Kamano an ang’e ni kara ok un jombetre, to un mana joma kare. Eka nadwoknu owadu, kendo unuwuoth kamoro amora mudwaro e pinyka.’ ”

2 Samuel 10:3

jotend jo-Amon nowacho ni Hanun ruodhgi niya, “Bende iparo ni Daudi oseoro joge mondo omi wuoru duong’? Ooyo, oseorogi mana ni mondo gicheng dala, eka oyud yo monyalo loyego.”

Wuok 32:35

Bang’e Ruoth Nyasaye nogoyo jo-Israel gi tuo kuom lamo nyaroya mane Harun oloso.

Kwan 13:2

“Or joote mondo odhi ocheng piny Kanaan ma abiro miyo jo-Israel. Jootego nyaka bed jotelo, ma ng’ato ka ng’ato ochung’ ni dhoot ka dhoot.”

Luka 20:20

Omiyo ne girito mondo giyud thuolo maber. Ne gioro jombetre mane owuondore ni joma kare, mondo omake kowinjo kowacho gimoro marach, kendo okete e lwet ruoth.

Jo-Hibrania 11:31

Yie ema ne omiyo Rahab, dhako mane jachode, ok onegi kane inego joma ne otamore winjo wach Nyasaye. Ne ok onege nikech ne oserwako jombetre gi ng’wono.

Joshua 2:1

Kane pod gin Shitim, Joshua wuod Nun nooro jombetre ariyo ling’ling’ mondo odhi ocheng piny. Jombetrego nodhi Jeriko modonjo e od dhako moro ma ohodho ma nyinge Rahab, kendo ne ginindo kanyo.

Joshua 6:23

Omiyo yawuowigo nodhi, mogolo Rahab gi wuon kod min, gi owetene kod ji duto mane ni kode. Ne gikelogi duto, mi giweyogi e kambi mar jo-Israel gi yo ka oko.

Jong’ad Bura 1:24

mi jombetrego noneno ng’ato kawuok e dalano, mi giwachone niya, “Kinyisowa yo ma wanyalo donjogo e dala, to ok wabi timi gimoro.”

1 Samuel 26:4

nooro jombetre, mofwenyo kama Saulo obworoe.