Chakruok 42:32 - MUMA MALER 2015

³² Bende ne wanyise ni wan owete apar gariyo ma yawuot ng’at achiel, to achiel noselal, kendo owadwa machogo odong’ dala Kanaan gi wuonwa.

Motingʼo Loko Manyien

³² Ne wan yawuowi apar gariyo, yawuot ngʼat achiel. Achiel kuomwa nolal, kendo ma chogo to odongʼ gi wuonwa e piny Kanaan.’

Chakruok 42:32 ပူးပေါင်းရင်းမြစ်များ

Chakruok 37:30

Nodok ir owetene, mopenjogi niya, “Nyathi cha onge kacha! Koro anyalo timo ang’o?”

Chakruok 42:13

Eka ne giwachone niya, “Ruoth, wan owete apar gariyo ma yawuot ng’at achiel e piny Kanaan. Owadwa ma chogo odong’ gi wuonwa dala, to owadwa moro nolal.”

Chakruok 42:31

Ne wanyise ni wan ji makare, kendo ok wan jombetre.

Chakruok 42:33

To ng’atno nodwokowa niya, ‘Abiro ng’eyo ka un joma kare mana kuweyo ng’at achiel kuomu odong’ koda ka, to jomoko okawo cham motero ni joodu ma koro kech nego,

Zaburi 68:27

Dhood Benjamin, ma en dhoot matinie moloyo, ema okwongo biro. Bang’e jotend Juda biro gi ogandagi, kendo jotend Zebulun gi jotend Naftali luwogi.