Chakruok 42:26 - MUMA MALER 2015

²⁶ Eka ne giketo cham e ng’e kenjegi, mi gia.

Motingʼo Loko Manyien

²⁶ negiketo cham e ngʼe pundegi kendo gidhi.

Chakruok 42:26 ပူးပေါင်းရင်းမြစ်များ

Chakruok 42:19

Ka un ji makare adier, to ara weuru owadu achiel e od twech ka, mondo uter cham muserundogi ni joodu ma koro kech nego.

Chakruok 42:20

Eka ukel owadu machogo ira, mondo ang’e ni kara usebedo kuwachona adier, mi ok nonegu.”

Chakruok 42:25

Eka Josef nogolo chik mondo oket cham e ogundegi, kendo mondo odwok ni ng’ato ka ng’ato pesane e ogunde, to bende mondo omigi chiemo moromogi chamo e wuodhgi ka gidok. Mi notimnigi kamano.

Chakruok 42:27

Kane gibuoro kamoro gotienono, achiel kuomgi nogonyo ogunde, mondo omi kanje chiemo, mi nopo koyudo pesane e wi cham.

Ayub 39:11

Bende inyalo geno kuom tekone mathothno, mi iwe ni obiro tiyo tijeni madongo?