Chakruok 42:24 - MUMA MALER 2015

²⁴ Josef noa irgi, moywak ahinya. Kane mirimbe orumo, noduogo irgi, mokawo Simeon, otueyo e nyimgi.

Motingʼo Loko Manyien

²⁴ Kane Josef owuok irgi, noywak ahinya, bangʼe noduogo irgi mochako wuoyo kodgi. Nokawo Simeon mi otweye e nyimgi ka gineno.

Chakruok 42:24 ပူးပေါင်းရင်းမြစ်များ

Chakruok 34:25

To bang’ ndalo ariyo, kane pod jo-Shekem nigi rem malit, yawuot Jakobo ma Simeon kod Lawi, owete Dina mahie, nokawo gigi mag lweny, mi gidonjo e dala jogo apoya, kendo ne ginego joma chwo duto.

Chakruok 42:23

Josef nowinjo gima giwacho, to gin ne ok ging’eyo, nimar ne giwuoyo kode ka ng’ato ema lokonigi wach.

Chakruok 43:14

Nyasaye Manyalo Gik Moko Duto mondo omi chuny ng’atno obed maler kodu, mi odwoknu owadu mane uweyo kuno, kaachiel gi Benjamin bende. To ka ochunore ni nyithinda nyaka tho, to kara ginitho!”

Chakruok 43:23

Ng’atno nodwokogi niya, “Mano kik thagu, kendo kik ubed maluor. Nyasachu ma Nyasach wuora ema noketonu pesago, nimar an to nayudo pesa mane uchulo.” Bang’ mano nokelo Simeon irgi.

Chakruok 43:30

Eka Josef noa kanyo piyopiyo nikech siwuori mar hera nomake gi owadgino. Pi wang’e ne chiegni ton, omiyo nodhi e ode ma iye, moywak kuno.

Chakruok 45:1

Josef koro ne ok nyal geng’o mirima mane en go e nyim joma ne pogogi chiemo, omiyo nokok niya, “Ng’ato ka ng’ato mondo owuogi.” Kamano koro ne onge ng’at moro machielo e sa mane ohuloree ni owetene.

Chakruok 45:2

Noywak matek, mi jo-Misri gi jood ruoth owinjo.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,

Jo-Rumi 12:15

Beduru mamor gi joma mor, kendo ywaguru gi joma ywak.

1 Jo-Korintho 12:26

Ka fuonni achiel lit, to fuoni duto lit, kendo ka fuonni achiel omi duong’, to fuoni duto bedo mamor kaachiel kode.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.